Kryeministri Edi Rama, i cili ndodhet në Kosovë për ceremonitë kremtuese të 9 vjetorit të Pavarësisë së Kosovës, zhvilloi sot homazhe në vendprehjen e Presidentit Ibrahim Rugova. Kryeministri vendosi një kurorë me lule në respekt e mirënjohje ndaj Presidentit të parë të Kosovës.

Kryeministri Rama iu drejtua më pas Prekazit, ku zhvilloi homazhe në varrezat e dëshmorëve të luftës. Kryeministri vuri buqeta me lule në vendprehjen e heroit të Kosovës, Adem Jasharit, me mirënjohjen përjetë luftëtarëve të pavarësisë së Kosovës.