Qeveria Shqiptare Keshilli i Ministrave

Thirrje për shprehje interesi: pozicion vakant në kuadër të Programit Interreg IPA Adriatiku Jugor – Drejtues i Zyrës së Kontrollit të Nivelit të Parë

Në kuadër të Programit Interreg IPA Adriatiku Jugor 2021-2027, i bashkëfinancuar nga Bashkimi Evropian përmes Instrumentit të Para-Anëtarësimit (IPA III), Agjencia Shtetërore e Programimit Strategjik dhe Koordinimit të Ndihmës (Shqipëri), fton të gjithë të interesuarit për shprehje interesi për pozicionin vakant të punës si në vijim:

 

Drejtues i Zyrës së Kontrollit të Nivelit të Parë, Programi IPA Adriatiku Jugor 2021-2027, pozicionuar në Tiranë.

Kandidatët e interesuar duhet të dorëzojnë dokumentet e aplikimit si më poshtë:

Letër motivimi në anglisht;

Curriculum vitae (CV) në formatin Europass në anglisht;

Fotokopje të Diplomave Universitare (nuk është e nevojshme të jenë të përkthyera);

Fotokopje të Pasaportës;

Certifikatë Familjare;

Dëshmi Penaliteti;

Fotokopje të librezës së punës;

Certifikata të trajnimeve, aftësive kompjuterike dhe gjuhësore;

Dokumente të tjera relevante mbi eksperiencat e mëparshme, të tilla si: letra reference, certifikata, etj.

Për më shumë detaje mbi këtë pozicion si edhe kualifikimet e kërkuara, lutemi të konsultoni Termat e Referencës bashkëlidhur këtij njoftimi.

Kandidatët e interesuar duhet t’i dorëzojnë dokumentet e aplikimit brenda datës 13 janar 2025, ora 16:30, në adresën si në vijim: Agjencia Shtetërore e Programimit Strategjik dhe Koordinimit të Ndihmës Rruga “Kuvajt”, Tiranë, Shqipëri.

Subjekti: Application for the “Head of First Level Control Office, Interreg IPA South Adriatic Programme 2021-2027”.

© Qeveria Shqiptare Keshilli i Ministrave 2022. Të gjitha të drejtat e rezervuara.