Kryeministri Edi Rama, shoqëruar nga zonja Rama, morën pjesë në pritjen e organizuar nga Presidenti Obama dhe Zonja e tij, për krerët e delegacioneve që marrin pjesë në Asamblenë e Përgjithshme të Kombeve të Bashkuara.

Gjatë takimit të tyre, Kryeministri Rama e falenderoi Presidentin Obama për mbështetjen e vazhdueshme qe ai vet dhe qeveria e Shteteve të Bashkuara kanë dhënë ndaj Shqipërisë, si dhe e siguroi atë se vendi ynë do të vazhdojë të qëndrojë në krah të SHBA-ve edhe në të ardhmen.