Muzeu Etnografik i Gjirokastrës është magneti më i ri turistik në qytet, restaurimi i të cilët i riktheu vlerave të qytetit të gurtë, hijeshinë e një kompleksi muzeal autentik, ku tradita e artizanëve gjirokastritë është çmuar dhe respektuar në çdo detaj.

Projekti i përfunduar i Muzeut Etnografik, krijim i arkitektit të famshëm Jesus Hernandez, mundësuar nga Fondi Shqiptar i Zhvillimit, Ministria e Kulturës e Bashkia e Gjirokastrës përfshin edhe Muzealizimin e Shtëpisë Kadare, itinerarin “Eduart Lir dhe udhëtarët”, që dëshmon të gjithë rrugëtimin që Lear ka bërë në zonën historike, si dhe Itinerarin “Kronikë në Gur”.  

Kryeministri Edi Rama ishte sot një prej vizitorëve të Muzeut, së bashku me Ministren e Kulturës Elva Margariti dhe Ministren e Turizmit dhe Mjedisit Mirela Kumbaro, të cilat shpjeguan detaje nga rikonceptimi artistik që ju është bërë objekteve.