Kryeministri Edi Rama i ka dërguar një mesazh urimi Presidentit të Turqisë, Recep Tayyip Erdoğan, me rastin e fitores në zgjedhjet presidenciale.

Në mesazhin e urimit, Kryeministri Rama shprehet:

“I nderuar Z. President Erdoğan,

I dashur mik,

Më lejoni që t’Ju përcjell urimet e mia më të ngrohta si dhe përgëzimet e bashkëqytetarëve të mi, për fitoren Tuaj në raundin e parë të zgjedhjeve presidenciale.

Shpreh bindjen time se në lartësinë e detyrës Suaj të re, Ju do të vijoni të jeni një kontribuues i madh në forcimin e marrëdhënieve vëllazërore mes dy vendeve tona dhe konsolidimin e bashkëpunimit tonë të frytshëm.

Fat të mbarë në vijimin e realizimit me sukses të objektivit madhor për ndërtimin e Turqisë së re.

Miqësisht,

Edi Rama”