Puna, mundi dhe sakrificat e mjekëve, kudo në Shqipëri janë reale dhe të patjetërsueshme. Këtë konstatim, Kryeministri Edi Rama e bëri gjatë bashkëbisedimit me qytetarë të Korçës, mes tyre edhe mjekë të spitalit rajonal të qytetit.  “Unë e kam ditur më parë edhe për shkak të detyrës se ne kemi një trupë mjekësh dhe inferemierësh që është realisht për t’u respektuar dhe ka një hendek të madh mes realitet të punës, mundit dhe sakrificave të mjekëve dhe infermierëve dhe perceptimit që ushqehet besoj unë në mënyrë të kosiderueshme nga eksperiencat e këqija të së shkuarës, por edhe nga fakti po ashtu, që shumëkush për fat të mirë nuk ka patur nevojë të shkojë në spital dhe të marrë shërbim vitet e fundit dhe ka eksperienca apo tregime për kohë të tjera, kur spitalet ishin në gjendje katastrofike. Por patjetër ushqehet edhe nga raste që vërtet janë të neveritshme, siç ishte rasti i sanitares tek “Shefqet Ndroqi”, apo siç mund të jenë edhe raste të tjera”, – u shpreh Kryeministri Rama, i cili theksoi gjithashtu se “kurrsesi këto raste  nuk mund ta rrëzojnë investimin kolosal të mjekëve dhe inferemierëve në mbrojtje të jetës së njerezve, posaçërisht në këtë periudhë kaq të jashtëzakonshme për sistemin shëndetësir të të gjithë botës. Kështu që mirënjohje dhe respekt për këtë.”

Ndërkohë një nga mjekët pjesëmarrës në bashkëbisedim falenderoi Kryeministrin për pajisjen e spitalit të Korccës me teknologjinë moderne të furnizimit me oksigjen.  “Falenderimi është për instalimin pranë spitalit të një pajisje oksigjeni, i cili bën një furnizim të pandërprerë me oksigjen, pasi furnizimi me oksigjen me bombul manualisht ishte një makth i vërtetë”, – u shpreh mjeku.