Në kuadër të Programit Interreg IPA II CBC Itali-Shqipëri-Mal i Zi, i bashkëfinancuar nga Bashkimi Evropian përmes Instrumentit të Para-Anëtarësimit (IPA II), Agjencia Shtetërore e Programimit Strategjik dhe Koordinimit të Ndihmës (Shqipëri), fton të gjithë të interesuarit për shprehje interesi për pozicionin vakant të punës si në vijim:

 

– Pika Kombëtare e Informimit, Programi IPA II BNK Itali-Shqipëri-Mal i   Zi, pozicionuar në Tiranë.

 

Procedura e Aplikimit:

 

Kandidatët e interesuar duhet të dorëzojnë dokumentet e aplikimit si më poshtë:

• Letër motivimi në anglisht;
• Curriculum vitae (CV) në formatin Europassnë anglisht;
• Fotokopje të Diplomave Universitare (nuk është e nevojshme të jenë të përkthyera);
• Fotokopje të Pasaportës;
• Certifikatë Familjare;
• Dëshmi Penaliteti;
• Fotokopje të librezës së punës;
• Certifikata të trajnimeve, aftësive kompjuterike dhe gjuhësore;
• Dokumente të tjera relevante mbi eksperiencat e mëparshme, të tilla si: letra reference, certifikata, etj;
• Letër referimi nga NIPAC (e aplikueshme vetëm për aplikantët e punësuar më parë në këtë pozicion ose pozicione të tjera të strukturave të programit).

 

Për më shumë detaje mbi këtë pozicion si edhe kualifikimet e kërkuara, lutemi të konsultoni Termat e Referencës bashkëlidhur këtij njoftimi.

 

Kandidatët e interesuar duhet t’i dorëzojnë dokumentet e aplikimit brenda datës  13 Janar, ora 14:00, në adresën si në vijim: Agjencia Shtetërore e Programimit Strategjik dhe Koordinimit të Ndihmës (Kryeministria) “Bulevardi Dëshmorët e Kombit”, Tiranë, Shqipëri.

 

Subjekti: Aplikim për pozicionin “Pika Kombëtare e Informimit – Programi Interreg IPA II BNK Itali-Shqipëri-Mali i Zi 2014-2020″.

 

Vetëm kandidatët e short-listuar do të kontaktohen për intervistë.