Në mbështetje të nenit 100 të Kushtetutës, të nenit 4, të ligjit nr.10325, datë 23.9.2010, “Për bazat e të dhënave shtetërore”, dhe  të ligjit nr.7703, datë 11.5.1993, “Për sigurimet shoqërore në Republikën e Shqipërisë”, të ndryshuar, me propozimin e ministrit të Mirëqenies Sociale dhe Rinisë, Këshilli i Ministrave

1. Krijimin e bazës të të dhënave shtetërore të sistemit të menaxhimit, të kalkulimit dhe pagesës së përfitimeve, të quajtur PCAMS.

2. PCAMS-ja administrohet nga Instituti i Sigurimeve Shoqërore.

3. Përbërësit e arkitekturës, software dhe hardware të sistemit, miratohen nga Autoriteti Rregullator Koordinues.

4. Të dhënat që përmban sistemi ndahen në të dhëna parësore dhe të dhëna dytësore, si më poshtë vijon:

a) Të dhëna parësore konsiderohen ato të dhëna të cilat grumbullohen nga vetë kjo bazë të dhënash dhe përfshijnë:

– periudhën kontributive;

– dokumentet e nevojshme të skanuara;

– kërkesat për caktim pensioni (numrin dhe datën);

– kërkesat për rishqyrtim pensioni (numrin, datën dhe arsyen);

– kërkesat për transferim pensioni (numrin, datën);

– llojin e pensionit;

– masën e pensionit;

– datën e fillimit të pensionit;

– pikën paguese të pensionit.

b) Të dhëna dytësore konsiderohen të dhënat që merren nga baza të tjera të dhënash dhe përfshijnë të dhënat referencare nga regjistri i Gjendjes Civile, si: numrin e identifikimit, emrin, mbiemrin, atësinë, emrin e nënës, vendlindjen, datëlindjen, mbiemrin e vajzërisë, ZGJC_CODE.

5. Subjektet përgjegjëse të PCAMS-së janë, si më poshtë vijon:

a) Instituti i Sigurimeve Shoqërore;

b) Drejtoria Rajonale e Sigurimeve Shoqërore përkatëse;

c) Degët e sigurimeve shoqërore;

ç) Agjencia Rajonale e Sigurimeve Shoqërore përkatëse.

6. Dhënës të informacionit janë:

a) qytetarët të cilët plotësojnë kushtet për përfitim;

b) drejtoritë rajonale të sigurimeve shoqërore;

7. Niveli i aksesit në sistemin dhe bazën e të dhënave të PCAMS-së është, si më poshtë vijon:

a) Qytetarët kanë të drejtë të marrin informacion vetëm duke pasur një mjet identifikimi;

b) Shërbimi social ka vetëm të drejtë të lexojë dhe të marrë informacion për çdo individ që është në bazën e të dhënave;

c) Institucionet që kryejnë pagesat kanë vetëm të drejtë të lexojnë dhe të kryejnë pagesat;

ç) Instituti i Sigurimeve Shoqërore ka të drejta të plota administrative mbi bazën e të dhënave dhe sistemin në rolet e:

i. administratorit;

ii. raportuesit;

           iii. audituesit;

           iv. zhvilluesit.

d) Subjektet e tjera, sipas përcaktimit me vendim të Këshillit të Ministrave, mund të kenë akses në nivelin raportues apo statistikor për të monitoruar apo për të raportuar.

8. PCAMS-ja ndërvepron me bazën e të dhënave të RKGJC-së vetëm me të dhënat parësore.

Proceset e punës në bazën e të dhënave të PCAMS-së përcaktohen me rregullore të brendshme ose me urdhër të drejtorit të Përgjithshëm të Institutit të Sigurimeve Shoqërore, në përputhje me rregullat në zbatim të ligjit nr.10325, datë 23.9.2010, “Për bazën e të dhënave shtetërore”.

9. Ngarkohen Instituti i Sigurimeve Shoqërore dhe strukturat në varësi të tij për zbatimin e këtij vendimi.

   Ky vendim hyn në fuqi pas botimit në “Fletoren zyrtare”.

Në mbështetje të nenit 100 të Kushtetutës, të nenit 4/2, të ligjit nr.10405,  datë 24.3.2011, “Për kompetencat për caktimin e pagave dhe të shpërblimeve”, të nenit 7, të ligjit nr.152/2013, “Për nëpunësin civil”, të ligjit nr.9584, datë 17.7.2006, “Për pagat, strukturat dhe shpërblimet e institucioneve të pavarura kushtetuese dhe institucioneve të tjera të pavarura, të krijuara me ligj”, dhe të ligjit nr.147/2015, “Për buxhetin e vitit 2016”, me propozimin e ministrit të Shtetit për Inovacionin dhe Administratën Publike dhe të ministrit të Financave, Këshilli i Ministrave

1. Në vendimin nr.545, datë 11.8.2011, të Këshillit të Ministrave, të ndryshuar, bëhen këto shtesa dhe ndryshime:

a) Në pikën 1/3 bëhen shtesat dhe ndryshimi i mëposhtëm:

i.   Në shkronjën “a” shtohet emërtesa “Inspektorati Shtetëror Teknik dhe Industrial”.

ii. Në shkronjën “b”, emërtesa “Inspektorati Qendror Teknik” shfuqizohet.

iii. Në shkronjën “c” shtohet emërtesa “Qendra e Grumbullimit dhe Trajtimit të Kimikateve të Rrezikshme”.

b) Në fund të lidhjes nr.3, që përmendet në pikën 3, shtohet ndarja, me këtë përmbajtje:

“Autoriteti i Komunikimeve Elektronike dhe Postare – Inspektor – kategoria III-a.”.

c) Në pikën 4/1, pas fjalëve “Teknologji informacioni” shtohen “Informatikë ekonomike”.

2. Efektet financiare, që rrjedhin nga zbatimi i përcaktimeve të shkronjës “a”, nënndarjet “i”, “ii”, “iii”, dhe “b”, të pikës 1, të këtij vendimi, të fillojnë nga data e emërimit të nëpunësve/punonjësve në detyrë dhe, për vitin 2016, të përballohen nga fondet e miratuara për secilin institucion për vitin 2016.

3. Efektet financiare që rrjedhin nga zbatimi i përcaktimit të shkronjës “c”, të pikës 1, të këtij vendimi, të fillojnë nga data 1 janar 2016.

    Ky vendim hyn në fuqi pas botimit në “Fletoren zyrtare”.

Në mbështetje të nenit 100 të Kushtetutës, të nenit 11, të ligjit nr.147/2015, “Për buxhetin e vitit 2016”, me propozimin e ministrit të Financave, Këshilli i Ministrave

1. Rishpërndarjen e numrit të punonjësve në njësitë e qeverisjes qendrore për vitin 2016, si më poshtë vijon:

a) Numri i punonjësve të Agjencisë së Menaxhimit të Qendrave për Hapje dhe Dialog  shtohet me 5 veta, duke e çuar numrin total të punonjësve të institucioneve të tjera qendrore në 326 veta.

b) Numri i punonjësve të administratës së prefekturave reduktohet me  5 veta, duke e çuar numrin total të punonjësve të Ministrisë së Punëve të Brendshme në 14 172 veta.

c) Numri i punonjësve të Agjencisë së Legalizimit, Urbanizimit dhe Integrimit të Zonave/Ndërtimeve Informale shtohet me 16 veta, duke e çuar numrin total të punonjësve të Ministrisë së Zhvillimit Urban në 532 veta.

ç) Numri i punonjësve të Autoritetit Shtetëror për Informacionin Gjeohapësinor (ASIG) shtohet me 22 veta, duke e çuar numrin total të punonjësve të Kryeministrisë në 552 veta gjithsej.

d) Numri i punonjësve të Ministrisë së Mbrojtjes reduktohet me 38 veta, duke e çuar numrin total të punonjësve të saj në 9 210 veta gjithsej.

2. Ngarkohen institucionet e përmendura më sipër dhe Ministria e Financave për zbatimin e këtij vendimi.

    Ky vendim hyn në fuqi pas botimit në “Fletoren zyrtare”.

Në mbështetje të nenit 100 të Kushtetutës, të pikës 2, të nenit 18, të ligjit nr.7961, datë 12.7.1995, “Kodi i Punës i Republikës së Shqipërisë”, të ndryshuar, dhe të nenit 11, të ligjit nr.147/2015, “Për buxhetin e vitit 2016”, me propozimin e ministrit të Financave, Këshilli i Ministrave

I. Në vendimin nr.23, datë 20.1.2016, të Këshillit të Ministrave, bëhen këto ndryshime dhe shtesa:

1. Në pikën 1, numri i punonjësve dhe praktikantëve me kontratë të përkohshme ndryshohet dhe bëhet “…1 751 veta …”.

2. Në lidhjen nr.1, përmendur në pikën 1 të vendimit, bëhen këto shtesa:

a) Në ndarjen “Gr.4 Ministria e Zhvillimit Ekonomik, Turizmit, Tregtisë dhe Sipërmarrjes” dhe në ndarjen “Gr.13 Ministria e Shëndetësisë” shtohet nënndarja sipas tabelës, që i bashkëlidhet këtij vendimi dhe është pjesë përbërëse e tij.

b) Emërtesa “Punonjës protokolli/arkivi”, e përmendur në ndarjen “Gr.6 Ministria e Transportit dhe Infrastrukturës (aparati)”, bëhet “specialist arkivi” dhe emërtesa “punonjës mirëmbajtjeje”, përmendur në nënndarjen “Drejtoria e Përgjithshme e Tatimeve”, bëhet “punonjës shërbimi”.

c) Pas ndarjes “Gr.28 Prokuroria e Përgjithshme” shtohet ndarja “Gr.29 Zyra e Administrimit të Buxhetit Gjyqësor”, sipas tabelës, që i bashkëlidhet këtij vendimi dhe është pjesë përbërëse e tij.

3. Në pikën 4, pas fjalëve “… si dhe mësuesit në dispozicion në arsimin parauniversitar dhe arsimin profesional” shtohen “… dhe pedagogë të jashtëm/trajnerë të angazhuar në formimin profesional të magjistratëve.”.

II. Ngarkohen ministritë dhe institucionet e përmendura në pikën 2, të këtij vendimi, të depozitojnë pranë Ministrisë së Financave detajimin e numrit të punonjësve, kategorinë përkatëse të pagës dhe burimin e financimit të tyre.

Ky vendim hyn në fuqi menjëherë dhe botohet në “Fletoren zyrtare”.

Në mbështetje të nenit 100 të Kushtetutës, me propozimin e ministrit të Punëve të Brendshme, Këshilli i Ministrave

1. Në shtojcën 1, me titull “Strategjia e Luftës kundër Trafikimit të Personave e plani i veprimit, 2014-2017”, që i bashkëlidhet vendimit nr.663, datë 17.7.2013, të Këshillit të Ministrave, në ndarjen 2 “Qëllimi strategjik”, të fushës së dytë “Mbrojtja”, të planit të veprimit të Strategjisë së Luftës kundër Trafikimit të Personave, pas pikës 2 (c) shtohet pika 2 (ç), objektivi specifik, “Plani i veprimit për riintegrimin social-ekonomik të grave dhe vajzave, viktima të trafikimit të personave”, sipas tekstit që i bashkëlidhet këtij vendimi.

2. Ngarkohen Ministria e Punëve të Brendshme, Ministria e Shëndetësisë, Ministria e Arsimit dhe Sportit, Ministria e Mirëqenies Sociale dhe Rinisë, Ministria e Financave, Ministria e Zhvillimit Urban dhe Ministria e Zhvillimit Ekonomik, Turizmit, Tregtisë dhe Sipërmarrjes për zbatimin e këtij vendimi.

Ky vendim hyn në fuqi pas botimit në “Fletoren zyrtare”.

Në mbështetje të nenit 100 të Kushtetutës dhe të neneve 17 e 23, të ligjit nr.8371, datë 9.7.1998, “Për lidhjen e traktateve dhe marrëveshjeve ndërkombëtare”, me propozimin e ministrit të Punëve të Jashtme, Këshilli i Ministrave

Miratimin e marrëveshjes, ndërmjet Këshillit të Ministrave të Republikës së Shqipërisë dhe qeverisë së Konfederatës Zvicerane, të përfaqësuar nga Agjencia Zvicerane për Zhvillim dhe Bashkëpunim (SDC) e Departamentit Federal Zviceran të Punëve të Jashtme, e cila vepron nëpërmjet Ambasadës Zvicerane në Shqipëri për projektin “Lëviz Albania”, faza e parë, korrik 2015-qershor 2019, sipas tekstit bashkëlidhur këtij vendimi.

Ky vendim hyn në fuqi pas botimit në “Fletoren zyrtare”.

Në mbështetje të nenit 100 të Kushtetutës dhe të neneve 10 e 12,   të ligjit nr.8743, datë 22.2.2001, “Për pronat e paluajtshme të shtetit”, të ndryshuar dhe nenit 901 e vijues të ligjit nr.7850, datë 29.7.1994, “Kodi Civil i Republikës së Shqipërisë”, të ndryshuar, me propozimin e ministrit të Mbrojtjes, Këshilli i Ministrave

1. Kalimin në përdorim të përkohshëm, pa shpërblim, Drejtorisë së Përgjithshme të Arkivave, për degën e Arkivit Shtetëror Vendor në Berat, të katit të parë e të katit të dytë të objektit nr.1, me sipërfaqe 396 (treqind e nëntëdhjetë e gjashtë) m², dhe të objektit nr.2, me sipërfaqe 177 (njëqind e shtatëdhjetë e shtatë) m², pjesë të pronës nr.1047, me emërtim “Qendër mobilizimi”, në përgjegjësi administrimi të Ministrisë së Mbrojtjes, sipas planvendosjes që i bashkëlidhet këtij vendimi dhe është pjesë përbërëse e tij, për ta përdorur për administrimin, ruajtjen dhe përpunimin e dokumentacionit të Arkivit Qendror të Shtetit, deri në datën 31.12.2024.

2. Drejtorisë së Përgjithshme të Arkivave, degës së Arkivit Shtetëror Vendor në Berat u ndalohet të ndryshojnë destinacionin e objekteve të përcaktuara në pikën 1, të këtij vendimi, t’i tjetërsojnë ose t’ua japin në përdorim të tretëve.

3. Ministria e Mbrojtjes dhe Drejtoria e Përgjithshme e Arkivave të nxjerrin aktet e nevojshme për dhënien në përdorim të objekteve, duke përcaktuar detyrimet për secilin institucion.

4. Ngarkohen ministri i Mbrojtjes, drejtori i Përgjithshëm i Arkivave dhe kryeregjistruesi i Pasurive të Paluajtshme të Republikës së Shqipërisë për zbatimin e këtij vendimi.

    Ky vendim hyn në fuqi pas botimit në “Fletoren zyrtare”.

Në mbështetje të nenit 100 të Kushtetutës dhe të nenit 15, të ligjit nr.13/2015, “Për Policinë Ushtarake në Forcat e Armatosura të Republikës së Shqipërisë”, me propozimin e ministrit të Mbrojtjes, Këshilli i Ministrave

1. Policia Ushtarake në ushtrimin e funksioneve të saj përdor mjetet lëvizëse tokësore operacionale dhe mjete lëvizëse të tjera.

2. Ngjyrat e mjeteve të Policisë Ushtarake janë, si më poshtë vijon:

a) Ngjyra e mjeteve operacionale është kamuflazh, sipas aneksit 1, që i bashkëlidhet këtij vendimi dhe është pjesë përbërëse e tij;

b) Ngjyra e mjeteve të tjera është e zezë, sipas aneksit 2, që i bashkëlidhet këtij vendimi dhe është pjesë përbërëse e tij.

3. Shenjat dalluese të mjeteve të Policisë Ushtarake janë stema, mbishkrimi, pajisjet sinjalizuese, ndriçuese e zanore, si më poshtë vijon:

a) Stema e Policisë Ushtarake, me specifikimet teknike sipas aneksit 3, që i bashkëlidhet këtij vendimi dhe është pjesë përbërëse e tij. Stema vendoset në mënyrë të dukshme në dy faqet anësore të mjetit.

b) Mbishkrimi “POLICIA USHTARAKE”, me specifikimet teknike sipas aneksit 4, që i bashkëlidhet këtij vendimi dhe është pjesë përbërëse e tij. Mbishkrimi vendoset në mënyrë të dukshme në dy faqet anësore të mjetit.

c) Pajisjet sinjalizuese, ndriçuese e zanore (sirena), me specifikimet teknike sipas aneksit 5, që i bashkëlidhet këtij vendimi dhe është pjesë  përbërëse e tij. Pajisjet sinjalizuese, ndriçuese e zanore, (sirena) vendosen në mënyrë të dukshme në pjesën e sipërme të mjetit.

4. Ngarkohet Ministria e Mbrojtjes për zbatimin e këtij vendimi.

    Ky vendim hyn në fuqi pas botimit në “Fletoren zyrtare”.

Në mbështetje të nenit 100 të Kushtetutës dhe të neneve 48, pika 7, 50, pika 9, 51, pika 3, e 52, pika 4, të ligjit nr.152/2013, “Për nëpunësin civil”, të ndryshuar, me propozimin e ministrit të Shtetit për Inovacionin dhe Administratën Publike, Këshilli i Ministrave

1. Ky vendim rregullon procedurat për transferimin e përhershëm dhe të përkohshëm të nëpunësve civilë, për nivelin ekzekutiv, të ulët dhe të mesëm drejtues.

2. Nëpunësi civil mund të transferohet përkohësisht në një pozicion tjetër të shërbimit civil të së njëjtës kategori, sipas rastit, përkatësisht brenda institucionit ku është emëruar, përfshirë edhe degët e tij territoriale, në një institucion të varësisë së institucionit ku është emëruar, në një institucion tjetër të shërbimit civil:

a) në interes të institucionit, deri në 6 (gjashtë) muaj me/ose pa ndërprerje, gjatë 2 viteve;

b) për përmirësimin e rezultateve të tij, deri në 3 (tre) muaj pa ndërprerje gjatë 2 viteve;

c) për arsye të përkohshme shëndetësore apo gjatë shtatzënisë, të përcaktuara nga komisioni kompetent në bazë të ligjeve në fuqi, për aq sa është e nevojshme sipas vendimit të komisionit përkatës.

3. Në rastet e parashikuara në shkronjat “a” dhe “b”, të pikës 2, të këtij vendimi, transferimi i përkohshëm nuk bëhet për:

a) nëpunësit civilë në periudhë prove;

b) nëpunësit civilë të emëruar në pozicione të nivelit të ulët apo të mesëm drejtues, të rekrutuar nga jashtë sistemit të shërbimit civil, sipas përcaktimeve të pikës 4, të nenit 26, të ligjit nr.152/2013, “Për nëpunësin civil”, të ndryshuar, të cilët nuk kanë plotësuar të paktën një vit pune në pozicionin në të cilin janë emëruar.

Në kuptim të shkronjave “a” dhe “b”, të pikës 2, të këtij vendimi, në periudhën 2-vjeçare të viteve të punës nuk përfshihet koha e periudhës së provës.

4. Nëpunësi civil mund të transferohet në interes të institucionit me kërkesë të institucionit, drejtorisë së interesuar apo njësisë së burimeve njerëzore. Në rastet kur nëpunësi civil kërkohet të transferohet në një institucion tjetër të shërbimit civil, të ndryshëm nga institucioni ku ai është i emëruar, institucioni që paraqet kërkesën për transferimin e përkohshëm duhet të marrë paraprakisht miratimin e institucionit ku nëpunësi civil është i emëruar.

5. Transferimi i përkohshëm, në bazë të shkronjës “a”, të pikës 2, të këtij vendimi, miratohet nga njësia përgjegjëse, e cila njofton me shkrim nëpunësin civil që do të transferohet. Për marrjen e këtij vendimi njësia përgjegjëse mbështetet në analizën e plotësimit nga ana e nëpunësit të kritereve të pozicionit të punës ku ai kërkohet të transferohet, si dhe në plotësimin e kushteve ligjore të përcaktuara në ligjin nr.152/2013, “Për nëpunësin civil”, të ndryshuar, dhe në këtë vendim.

6. Nëpunësi civil mund të transferohet përkohësisht, për nevojat e institucionit apo shtetit, në një organizatë ndërkombëtare, në të cilën Republika e Shqipërisë është anëtare apo në një institucion ndërkombëtar. Kërkesa bëhet nga organi i emërtesës në këtë institucion apo organizatë dhe miratohet nga njësia përgjegjëse.

7. Nëpunësi civil mund të transferohet për përmirësimin e rezultateve të tij në bazë të planeve vjetore të mobilitetit brenda institucionit dhe në bazë të planeve vjetore të mobilitetit të përgjithshëm për administratën shtetërore. Transferimi bëhet me kërkesë të tij dhe të eprorit direkt ose me kërkesë të secilit prej tyre dhe miratohet nga njësia përgjegjëse.

Plani vjetor i mobilitetit, në kuptim të kësaj pike, është plani i transferimeve të përkohshme në rast të nevojës së institucionit ose përmirësimit të rezultateve në punë.

8. Transferimi për arsye të përkohshme shëndetësore apo gjatë shtatzënisë bëhet me kërkesë të nëpunësit civil apo njësisë së burimeve njerëzore të institucionit, me qëllim sigurimin e kushteve të përshtatshme të punës për këta nëpunës dhe miratohet nga njësia përgjegjëse.

9. Nëpunësi civil ka të drejtë, brenda 15 (pesëmbëdhjetë) ditëve nga data e marrjes së njoftimit, të refuzojë me shkrim transferimin e përkohshëm pranë njësisë përgjegjëse dhe të dëgjohet prej saj, nëse:

a) gjendja e tij shëndetësore, provuar me vërtetim mjekësor, e bën transferimin të pamundur;

b) vendi ku transferohet gjendet më shumë së 45 km nga vendbanimi i nëpunësit civil.

10. Njësia përgjegjëse merr vendim brenda 10 (dhjetë) ditëve pas afatit të përcaktuar në pikën 9, të këtij vendimi. Transferimi i përkohshëm bëhet me afat të përcaktuar në vendimin përkatës dhe përveç rasteve të parashikuara në pikën 9, të këtij vendimi, është i detyrueshëm.

11. Institucionet ku bëhet transferimi, mënyra e pagesës dhe rikthimi në vendin e punës bëhen sipas përcaktimeve të nenit 48, të ligjit nr.152/2013, “Për nëpunësin civil”, të ndryshuar.

12. Kthimi në vendin e punës bëhet nga njësia përgjegjëse pas mbarimit të afateve të parashikuara në vendimin e njësisë përgjegjëse dhe jo më vonë se afatet e parashikuara në pikën 2, të këtij vendimi.

13. Në rastin e mbylljes dhe ristrukturimit, do të konsiderohen ndryshime të vendit të punës rastet në të cilat, për efekt të ristrukturimit të ndodhur në institucion:

a)  janë shkurtuar vende pune;

b)  janë ristrukturuar vende pune;

c)  kanë ndryshuar kriteret e vendeve të punës.

14. Në këto raste nëpunësit mund të sistemohen në vendet e reja të krijuara, të ristrukturuara apo të mbetura si pasojë e ristrukturimit.

15. Nëpunësit e institucionit të ristrukturuar apo të mbyllur njoftohen individualisht nga njësia e burimeve njerëzore për fillimin e procedurës së transferimit apo përfundimit të marrëdhënies në shërbimin civil për shkak të mbylljes apo ristrukturimit të institucionit, në momentin e miratimit të aktit të ristrukturimit apo mbylljes së institucionit. Efektet financiare për nëpunësit që do të transferohen apo do t’u përfundojë marrëdhënia e punësimit, fillojnë jo më shpejt se 1 (një) muaj nga momenti i njoftimit.

16. Në rastet e mbylljes apo ristrukturimit, njësia përgjegjëse krijon një komision ristrukturimi, i cili shqyrton mundësitë e sistemimit të çdo nëpunësi civil në vendet e lira ekzistuese dhe propozon transferimin e nëpunësit në një pozicion të lirë të së njëjtës kategori apo përfundimin e marrëdhënies në shërbimin civil të nëpunësit.

17. Komisioni përbëhet nga tre anëtarë dhe krijohet nga njësia përgjegjëse sipas rastit. Komisioni i ristrukturimit, brenda 15 (pesëmbëdhjetë) ditëve nga data e ristrukturimit.

a) i propozon me shkrim njësisë përgjegjëse transferimin e nëpunësit civil sipas precedencës së përcaktuar në pikën 2, të nenit 50, të ligjit nr.152/2013, “Për nëpunësin civil”, të ndryshuar;

b) vlerëson dhe merr vendim për rastet e përfundimit të marrëdhënies në shërbimin civil për arsyet e parashikuara në pikën 6, të nenit 50, të ligjit nr.152/2013, “Për nëpunësin civil”, të ndryshuar, të cilin ia dërgon njësisë së burimeve njerëzore të institucionit.

18. Komisioni i ristrukturimit në propozimin e tij për transferimin e nëpunësve civilë për shkak të mbylljes apo ristrukturimit të institucionit mbështetet në kriteret specifike të vendeve të lira apo të krijuara të reja si pasojë e ristrukturimit dhe të dhënat e nëpunësve civilë, vendet e të cilëve preken si pasojë e ristrukturimit. Vendimi është individual për çdo nëpunës civil.

19. Komisioni i ristrukturimit në vendimin e tij për përfundimin e marrëdhënies në shërbimin civil të nëpunësve civilë për shkak të mbylljes apo ristrukturimit të institucionit mbështetet mbi këto kritere:

a)  Vjetërsinë e nëpunësit civil në shërbimin civil;

b)  Vlerësimet e rezultateve në punë të nëpunësve civilë;

c) Vlerësimin e fundit që ka pasur nëpunësi në testimin për përfitimin dhe   përditësimin e njohurive shtesë.

20. Njësia përgjegjëse, brenda 10 (dhjetë) ditëve nga data e marrjes së propozimit nga komisioni i ristrukturimit, vendos për transferimin e nëpunësit civil, njofton nëpunësin civil për vendimin dhe merr mendimin e tij me shkrim. Nëpunësi civil duhet të japë mendimin e tij me shkrim brenda 5 (pesë) ditëve nga data e marrjes së njoftimit.

21. Nëpunësi ka të drejtë të refuzojë vendimin dhe të dëgjohet nga njësia përgjegjëse, brenda 5 (pesë) ditëve nga data e marrjes së njoftimit për vendimin, vetëm në rast se:

a) gjendja e tij shëndetësore, provuar me vërtetim mjekësor, e bën transferimin të pamundur;

b) vendi ku transferohet gjendet më shumë së 45 km nga vendbanimi i nëpunësit civil.

22. Njësia përgjegjëse verifikon shkaqet e refuzimit dhe mund të revokojë vendimin nëse plotësohen kushtet e pikës 20, të vendimit.

23. Refuzimi i transferimit për arsye të tjera përveç pikës 20, të këtij vendimi, përbën shkak për lirimin nga shërbimi civil.

24. Eprori direkt ose vetë nëpunësi civil mund të kërkojnë transferimin në një pozicion tjetër të së njëjtës kategori ku është i aftë të kryejë detyrat.

25. Nëpunësi civil që kërkon të transferohet i paraqet njësisë përgjegjëse një kërkesë me shkrim dhe vërtetim të gjendjes shëndetësore, të siguruar sipas legjislacionit në fuqi. Njësia përgjegjëse njofton eprorin direkt për kërkesën e nëpunësit.

26. Eprori direkt ka të drejtë të kërkojë nga njësia përgjegjëse transferimin e nëpunësit civil nëpërmjet një kërkese të arsyetuar. Nëpunësi civil dëgjohet nga njësia përgjegjëse përpara se të marrë vendim dhe i paraqet asaj vërtetimin e gjendjes shëndetësore.

27. Për institucionet e administratës shtetërore, DAP-i merr vendim brenda 30 (tridhjetë) ditëve nga data e paraqitjes së kërkesës nga eprori direkt ose nëpunësi civil dhe vendos për transferimin në një nga këto institucione:

a) në një pozicion tjetër të të njëjtit institucion, ku nëpunësi civil është i emëruar;

b) në institucionet e varësisë së institucionit ku nëpunësi është emëruar;

c) në një institucion tjetër të shërbimit civil.

28. Për institucionet e pavarura dhe njësitë e qeverisjes vendore, njësia përgjegjëse merr vendim brenda 30 (tridhjetë) ditëve nga data e paraqitjes së kërkesës nga eprori direkt dhe vendos për transferimin e nëpunësit brenda institucionit.

29. Në institucionet qendrore, eprori direkt, vetë nëpunësi civil ose njësia e burimeve njerëzore mund të kërkojnë transferimin në një pozicion tjetër të së njëjtës kategori ose, me miratimin e nëpunësit, në një kategori më të ulët, me qëllim shmangien e konfliktit të vazhdueshëm të interesit a të konflikteve të tjera të parashikuara në legjislacionin për konfliktin e interesit.

30. Në institucionet e qeverisjes vendore dhe institucionet e pavarura kërkesa mund të bëhet nga eprori direkt ose vetë nëpunësi civil.

31. Nëpunësi civil që kërkon të transferohet i paraqet njësisë përgjegjëse një kërkesë me shkrim dhe deklaron konfliktin e interesit. Njësia përgjegjëse njofton eprorin direkt për kërkesën e nëpunësit.

32. Eprori direkt ka të drejtë të kërkojë nga njësia përgjegjëse transferimin e nëpunësit civil nëpërmjet një kërkese të arsyetuar. Nëpunësi civil dëgjohet nga njësia përgjegjëse përpara se të marrë vendim.

33. Për institucionet e administratës shtetërore, DAP-i merr vendim brenda 30 (tridhjetë) ditëve nga data e paraqitjes së kërkesës nga eprori direkt ose nëpunësi civil dhe vendos për transferimin në një nga këto institucione:

a) në një pozicion tjetër të të njëjtit institucion, ku nëpunësi civil është i emëruar;

b) në institucionet e varësisë së institucionit ku nëpunësi është emëruar;

c) në një institucion tjetër të shërbimit civil.

34. Për institucionet e pavarura dhe njësitë e qeverisjes vendore, njësia përgjegjëse merr vendim brenda 30 (tridhjetë) ditëve nga data e paraqitjes së kërkesës nga eprori direkt dhe vendos për transferimin e nëpunësit brenda institucionit.

35. Nëpunësi civil ka të drejtë të ankohet në rrugë administrative dhe gjyqësore sipas rregullave të parashikuara nga Kodi i Procedurave Administrative dhe legjislacioni në fuqi për gjykimin e mosmarrëveshjeve administrative.

36. Vendimi nr.171, datë 26.3.2014, të Këshillit të Ministrave, “Për transferimin e përhershëm dhe të përkohshëm të nëpunësve civilë, pezullimin dhe lirimin nga shërbimi civil”, shfuqizohet.

Ky vendim hyn në fuqi pas botimit në “Fletoren zyrtare”.

Në mbështetje të nenit 100 të Kushtetutës dhe të neneve 55, pika 2, 56, pika 5, e 66, pika 5, të ligjit nr.152/2013, “Për nëpunësin civil”, të ndryshuar, me propozimin e ministrit të Shtetit për Inovacionin dhe Administratën Publike, Këshilli i Ministrave

1. Ky vendim rregullon procedurat për pezullimin nga shërbimi civil të nëpunësve civilë të të gjitha kategorive dhe lirimin nga shërbimi civil për nivelin ekzekutiv, të ulët dhe të mesëm drejtues.

2. Pezullimi i marrëdhënies në shërbimin civil bëhet në këto raste:

a) Për shkak të njërës prej arsyeve të pezullimit, sipas nenit 54, të  ligjit nr.152/2013, “Për nëpunësin civil”, të ndryshuar;

b) Me kërkesë të vetë nëpunësit;

c) Në rastin e procedimit disiplinor sipas pikës 6, të nenit 59, të ligjit nr.152/2013, “Për nëpunësin civil”, të ndryshuar.

3. Pezullimi i marrëdhënies në shërbimin civil për shkaqet e parashikuara në nenin 54, të ligjit nr. 152/2013, “Për nëpunësin civil”, të ndryshuar, bëhet me konstatimin e shkakut të ligjshëm të pezullimit nga njësia e burimeve njerëzore. Për TND-në, konstatimi i pezullimit bëhet nga DAP-i me marrjen dijeni për shkakun e pezullimit.

4. Eprori direkt dhe çdo nëpunës civil, kur kanë dijeni për shkaqet e ligjshme të pezullimit, të parashikuara në nenin 54, të ligjit nr.152/2013, “Për nëpunësin civil”, të ndryshuar, kanë detyrimin të njoftojnë njësinë e burimeve njerëzore të institucionit ku është i punësuar nëpunësi.

5. Njësia e burimeve njerëzore nis procedurën e verifikimit me marrjen dijeni të shkakut të pezullimit. Njësia e burimeve njerëzore njofton nëpunësin civil brenda 2 (dy) ditëve nga data e konstatimit të shkakut të ligjshëm të pezullimit.

6. Nëpunësi civil dëgjohet nga njësia e burimeve njerëzore brenda 3 (tri) ditëve nga data e marrjes së njoftimit.

7. Konstatimi i pezullimit bëhet nga njësia e burimeve njerëzore brenda 2 (dy) ditëve, pas ndjekjes së procedurës në pikat 4, 5 dhe 6, të këtij vendimi.

8. Në rastin e TND-së, DAP-i njofton anëtarin e TND-së brenda 2 (dy) ditëve nga data e konstatimit të shkakut të ligjshëm të pezullimit.

9. Anëtari i TND-së dëgjohet nga DAP-i brenda 3 (tri) ditëve nga data e marrjes së njoftimit. DAP-i pasi dëgjon nëpunësin civil vendos për pezullimin brenda 2 (dy) ditëve.

10. Nëpunësi civil me kërkesën e tij mund të kërkojë pezullimin e marrëdhënies në shërbimin civil në këto raste:

a) Kur zhvillon veprimtari në kuadër të organizatave apo institucioneve ndërkombëtare në raste të tjera nga ato të parashikuara në pikën 6, të nenit 48, të ligjit nr.152/2013, “Për nëpunësin civil”, të ndryshuar, vërtetuar me dokumentin përkatës të angazhimit në këto veprimtari;

b) Për periudha studimi më shumë se 1 muaj deri në 2 vjet, vërtetuar me dokumentin përkatës të ndjekjes së studimeve;

c) Për shkak të një interesi tjetër të ligjshëm, për një periudhë deri në 2 vjet, sipas përcaktimit në pikën 12, të këtij vendimi.

Pezullimi me kërkesën e nëpunësit civil sipas kësaj pike nuk bëhet për nëpunësit civilë në periudhë prove dhe nëpunësit civilë të emëruar në pozicione të nivelit të ulët apo të mesëm drejtues, të rekrutuar nga jashtë sistemit të shërbimit civil, sipas përcaktimeve të pikës 4, të nenit 26, të ligjit nr.152/2013, “Për nëpunësin civil”, të ndryshuar, të cilët nuk kanë plotësuar të paktën një vit pune në pozicionin në të cilin janë emëruar.

11. Kërkesa për pezullim për një nga rastet e parashikuara në pikën 10, të këtij vendimi, bëhet me shkrim 15 (pesëmbëdhjetë) ditë përpara datës së kërkuar për pezullim. Kërkesa i drejtohet njësisë së burimeve njerëzore, ndërsa në rastin e anëtarëve të TND-së kërkesa i drejtohet DAP-it.

12. Kërkesa që paraqet nëpunësi civil për rastin e parashikuar në shkronjën “c”, të pikës 10, të këtij vendimi, duhet të jetë e motivuar. Ai mund të bëjë kërkesë për pezullim për rastet e mëposhtme:

a) Për arsye shëndetësore të tij apo të njerëzve të afërm të tij, të vërtetuar me dokument të lëshuar nga institucioni shëndetësor brenda ose jashtë vendit;

b) Për punësim në aktivitet privat/organizata jofitimprurëse brenda ose jashtë vendit, të vërtetuar me kontratën e punës të lidhur me punëdhënësin;

c) Për punësim në një pozicion të paktën të të njëjtit nivel në një institucion të administratës publike që nuk është pjesë e fushës së veprimit të legjislacionit të nëpunësit civil;

ç) Për punësim si ekspert në projekte të ndryshme brenda ose jashtë vendit, të vërtetuar me kontratën përkatëse.

13. Pas kërkesës së nëpunësit civil, njësia e burimeve njerëzore dhe DAP-i, sipas rastit, konstatojnë me shkrim pezullimin brenda 10 (dhjetë) ditëve.

14. Për institucionet e administratës shtetërore, njësia e burimeve njerëzore njofton njësinë përgjegjëse për pezullimin e nëpunësit civil të kategorisë ekzekutive, të ulët apo të mesme drejtuese, brenda 3 (tri) ditëve pune nga data e konstatimit të pezullimit.

15. Në përfundimin e periudhës së pezullimit, nëpunësi civil që ka qenë i pezulluar për një afat deri në 3 muaj, rikthehet në pozicionin e tij të punës. Njësia e burimeve njerëzore të institucionit njofton njësinë përgjegjëse për kthimin e nëpunësit civil brenda 3 (tre) ditëve kalendarike.

16. Në përfundim të periudhës së pezullimit për rastet e pezullimit për një afat më të gjatë se 3 muaj, nëpunësi civil që ka qenë i pezulluar njofton njësinë përgjegjëse për përfundimin e pezullimit.

17. Njësia përgjegjëse, brenda 10 (dhjetë) ditëve kalendarike nga data e marrjes së njoftimit vendos:

a) rikthimin e nëpunësit civil në pozicionin e mëparshëm të punës, nëse ky pozicion është vakant, duke nxjerrë edhe aktin e rikthimit;

b) transferimin në një pozicion tjetër të së njëjtës kategori, nëse pozicioni i mëparshëm i punës është plotësuar nëpërmjet procedurave të pranimit në shërbimin civil, lëvizjes paralele apo ngritjes në detyrë, duke nxjerrë aktin e transferimit;

c) regjistrimin e nëpunësit civil në listën e krijuar sipas përcaktimeve të nenit 56, të ligjit nr.152/2013, “Për nëpunësin civil”, të ndryshuar, duke njoftuar nëpunësin civil për regjistrimin në listë dhe arsyet e pamundësisë së zbatimit të procedurës së parashikuar në shkronjat “a” dhe “b”, të kësaj pike.

18. Në momentin e krijimit të një vendi të lirë në shërbimin civil, njësia përgjegjëse është e detyruar të nxjerrë aktin e transferimit në këtë pozicion për njërin nga nëpunësit e regjistruar në listë dhe që plotëson kriteret përkatëse të vendit vakant. Transferimi në atë pozicion bëhet me precedencë sipas kësaj renditjeje:

a) Nëpunësi me kohëzgjatje më të madhe të qëndrimit në listë;

b) Nëse ka më shumë se 1 nëpunës me të njëjtën kohëzgjatje të qëndrimit në listë, nëpunësi me vjetërsi më të madhe në shërbimin civil;

c) Nëse ka më shumë se 1 nëpunës civil me të njëjtën vjetërsi në shërbimin civil, nëpunësi me më shumë vlerësime pozitive të rezultateve në punë si nëpunës civil.

19. Nëpunësi civil, për të cilin njësia përgjegjëse ka nxjerrë aktin e transferimit, ka të drejtë të refuzojë transferimin vetëm për shkaqet e mëposhtme:

a) Kur gjendja e tij shëndetësore, provuar me vërtetim mjekësor, e bën transferimin të pamundur;

b) Nëse vendi ku transferohet gjendet më shumë se 45 km nga vendbanimi i nëpunësit civil.

20. Refuzimi i transferimit për arsye të tjera përveç pikës 19, të këtij vendimi, përbën shkak për lirimin nga shërbimi civil.

21. Nëpunësi civil lirohet nga shërbimi civil për shkaqet e parashikuara nga neni 66, i ligjit nr.152/2013, “Për nëpunësin civil”, të ndryshuar, me deklarimin e njësisë së burimeve njerëzore të institucionit, ku nëpunësi ushtron detyrën. Në rastin e institucioneve të administratës shtetërore, njësia e burimeve njerëzore njofton DAP-in për vendimin e lirimit nga shërbimi civil të nëpunësve të kategorisë ekzekutive, të ulët apo të mesme drejtuese, brenda 3 (tri) ditëve pune nga data e marrjes së vendimit.

22. Lirimi nga shërbimi civil bëhet automatikisht menjëherë pas dy vlerësimeve negative radhazi nga njësia e burimeve njerëzore dhe i njoftohet menjëherë nëpunësit. Vlerësim negativ konsiderohet vlerësimi “jokënaqshëm”.

23. Nëpunësi civil lirohet nga shërbimi civil kur bëhet i paaftë përgjithmonë për të kryer detyrat për shkak të gjendjes shëndetësore. Paaftësia shëndetësore dokumentohet nga njësia e burimeve njerëzore, në bazë të vërtetimit të lëshuar nga KMCAP-ja.

Nëpunësi civil paraqet pranë njësisë së burimeve njerëzore të institucionit dokumentin e shëndetit në punë, sipas legjislacionit në fuqi për sigurinë dhe shëndetin në punë, brenda datës 10 janar të çdo viti.

24. Në rastet e lirimit për shkak të mbylljes dhe ristrukturimit të institucionit, njësia e burimeve njerëzore të institucionit deklaron vendimin për lirimin nga shërbimi civil të nëpunësit civil, bazuar në njoftimin e Komisionit të Ristrukturimit ngritur për ristrukturimin apo mbylljen e institucionit.

25. Njësia e burimeve njerëzore deklaron vendimin për lirimin nga shërbimi civil të nëpunësit civil për të gjitha rastet e parashikuara në nenin 66, të ligjit nr.152/2013, menjëherë me konstatimin e tyre. Të drejtën për të propozuar pranë njësisë për burimet njerëzore lirimin nga shërbimi civil të nëpunësit civil e ka edhe eprori direkt. Në këtë rast, njësia e burimeve njerëzore deklaron vendimin për lirimin nga shërbimi civil të arsyetuar 3 (tri) ditë pas propozimit të eprorit direkt.

26. Lirimi nga shërbimi civil i anëtarëve të TND-së rregullohet nga vendimi përkatës i Këshillit të Ministrave për TND-në.

27. Nëpunësi që largohet nga shërbimi civil duhet të bëjë të gjitha veprimet e duhura për dorëzimin e detyrës në mënyrë korrekte dhe në përputhje me etikën e nëpunësit civil.

28. Nëpunësi duhet të bëjë tek eprori direkt dorëzimin e plotë të dokumentacionit që ka për shkak të detyrës, si dhe te njësia përgjegjëse për mbajtjen e inventarit fizik, dorëzimin e pajisjeve e të mjeteve të punës në inventar.

29. Dorëzimi i detyrës, i dokumentacionit, i pajisjeve dhe i mjeteve të punës në inventar bëhet, si rregull, brenda 5 (pesë) ditëve nga data e marrjes së vendimit të lirimit. Në raste të veçanta, me urdhër të eprorit direkt, ky afat mund të zgjatet edhe me 5 (pesë) ditë të tjera.

30. Mosdorëzimi i detyrës, i dokumentacionit, i pajisjeve dhe i mjeteve të punës në inventar brenda afateve të përcaktuara në pikën 29, të këtij vendimi, konsiderohet shkelje e rëndë e detyrës dhe shkelje e rëndë disiplinore.

31. Nëpunësit civilë që lirohen për shkak të mbylljes dhe ristrukturimit të institucionit, në momentin e largimit përfitojnë dëmshpërblimin përkatës sipas përcaktimeve të pikës 7, të nenit 50, të ligjit nr.152/2013, “Për nëpunësin civil”, të ndryshuar.

32. Nëpunësi civil ka të drejtë të ankohet në rrugë administrative dhe gjyqësore sipas rregullave të parashikuara nga Kodi i Procedurave Administrative dhe legjislacioni në fuqi për gjykimin e mosmarrëveshjeve administrative.

33. Përcaktimet e vendimit nr.171, datë 26.3.2014, të Këshillit të Ministrave, “Për transferimin e përhershëm dhe të përkohshëm të nëpunësve civilë, pezullimin dhe lirimin nga shërbimi civil”, në lidhje me pezullimin dhe lirimin nga shërbimi civil, shfuqizohen.

Ky vendim hyn në fuqi pas botimit në “Fletoren zyrtare”.

Në mbështetje të nenit 100 të Kushtetutës, të nenit 4, të ligjit nr.10325, datë 23.9.2010, “Për bazat e të dhënave shtetërore”, dhe të ligjit nr.7703, datë 11.5.1993, “Për sigurimet shoqërore në Republikën e Shqipërisë”, të ndryshuar, me propozimin e ministrit të Mirëqenies Sociale dhe Rinisë, Këshilli i Ministrave

1. Krijimin e bazës të të dhënave shtetërore të sistemit të arkivimit dhe menaxhimit të dokumenteve të vjetërsisë në punë dhe të periudhave të sigurimit (DMAIS).

2. DMAIS-ja administrohet nga Instituti i Sigurimeve Shoqërore.

3. Përbërësit e arkitekturës, software dhe hardware të sistemit, miratohen nga Autoriteti Rregullator Koordinues.

4. Të dhënat që përmban sistemi ndahen në të dhëna parësore dhe të dhëna dytësore, si më poshtë vijon:

a) Të dhëna parësore konsiderohen ato të dhëna të cilat grumbullohen nga vetë kjo bazë të dhënash, si:

– pozicioni i punës;

– afatet e qëndrimit në punë.

b) Të dhëna dytësore nuk ka, si të tilla konsiderohen të dhënat që merren nga baza të tjera të dhënash.

5. Dhënës i informacionit është Arkivi Qendror i Institutit të Sigurimeve Shoqërore.

6. Niveli i aksesimit në sistemin dhe bazën e të dhënave të DMAIS-së është, si më poshtë vijon:

a) Instituti i Sigurimeve Shoqërore ka të drejta të plota administrative mbi bazën e të dhënave dhe sistemin në rolet e:

i.   administratorit;

ii.  raportuesit;

iii. audituesit;

iv. zhvilluesit.

b) Subjektet e tjera, sipas përcaktimit me vendim të Këshillit të Ministrave, mund të kenë akses në nivelin raportues apo statistikor, për të monitoruar apo për të raportuar.

7. Ndërveprimi me bazat e tjera të të dhënave shtetërore dhe proceset e punës në bazën e të dhënave të DMAIS-së përcaktohen me rregullore të brendshme ose me urdhër të drejtorit të Përgjithshëm të Institutit të Sigurimeve Shoqërore, në përputhje me rregullat në zbatim të ligjit nr.10325, datë 23.9.2010, “Për bazën e të dhënave shtetërore”.

8. Ngarkohen Instituti i Sigurimeve Shoqërore dhe strukturat në varësi të tij për zbatimin e këtij vendimi.

Ky vendim hyn në fuqi pas botimit në “Fletoren zyrtare”.

Në mbështetje të nenit 100 të Kushtetutës, të nenit 4, të ligjit nr.10325, datë 23.9.2010, “Për bazat e të dhënave shtetërore”, të ligjit nr.7703, datë 11.5.1993, “Për sigurimet shoqërore në Republikën e Shqipërisë”, të ndryshuar, me propozimin e ministrit të Mirëqenies Sociale dhe Rinisë, Këshilli i Ministrave

1. Objekt i këtij vendimi është krijimi i bazës së të dhënave shtetërore të sistemit të menaxhimit të kontributeve, e quajtur CMIS.

2. CMIS-i administrohet nga Instituti i Sigurimeve Shoqërore.

3. Përbërësit e arkitekturës software dhe hardware të sistemit miratohen nga Autoriteti Rregullator Koordinues.

4. Të dhënat që përmban sistemi ndahen në të dhëna parësore dhe dytësore, si më poshtë vijon:

a) Të dhëna parësore konsiderohen ato që grumbullohen nga vetë kjo bazë të dhënash, të cilat përfshijnë:

– periudhën kontributive;

– kërkesat për sigurim  (numrin dhe datën);

– periudhën e siguruar  (periudha, datat);

– shumën e derdhur e të vetësiguruarve.

b) Të dhëna dytësore konsiderohen ato që merren nga baza të tjera të dhënash, të dhëna referenciare nga regjistri i Gjendjes Civile dhe regjistri i Tatimeve:

– Numrin e identifikimit NID;

– Emri;

– Mbiemri;

– Atësia;

– Emri i nënës;

– Datëlindja;

– Vendlindja;

– Mbiemri i vajzërisë;

– ZGJC_CODE;

– Punëdhënësi;

– Periudha e siguruar;

– Shuma e derdhur.

5. Dhënës të informacionit janë:

a) qytetarët, përfitues të skemave;

b) drejtoritë rajonale të sigurimeve shoqërore;

c) Drejtoria e Tatimeve;

ç) baza e të dhënave të Regjistrit Kombëtar të Gjendjes Civile.

6. Niveli i aksesit në sistemin dhe bazën e të dhënave të CMIS-it është, si më poshtë vijon:

a) Qytetarët kanë vetëm të drejtë të marrin informacion, duke patur mjet identifikimi;

b) Instituti i Sigurimeve Shoqërore ka të drejta të plota administrative mbi bazën e të dhënave dhe sistemin, në rolet:

i. administrator;

ii. raportues;

iii. auditues;

iv. zhvillues.

c) Subjektet e tjera, sipas përcaktimit me vendim të Këshillit të Ministrave, mund të kenë akses në nivelin raportues apo statistikor, për të monitoruar apo për të raportuar.

7. CMIS-i ndërvepron me bazën e të dhënave të RKGJC-së dhe të DPT-së vetëm me të dhënat parësore.

Proceset e punës në bazën e të dhënave të CMIS-it përcaktohen me rregullore të brendshme ose me urdhër të drejtorit të Përgjithshëm të ISSH-së, në përputhje me rregullat e miratuara në zbatim të ligjit nr.10325, datë 23.9.2010, “Për bazën e të dhënave shtetërore”.

8. Ngarkohen Instituti i Sigurimeve Shoqërore dhe strukturat në varësi të tij për zbatimin e këtij vendimi.

Ky vendim hyn në fuqi pas botimit në “Fletoren zyrtare”.

Në mbështetje të nenit 100 të Kushtetutës dhe të neneve 5, pika 1, 20 e 21, të ligjit nr.8561, datë 22.12.1999, “Për shpronësimet dhe marrjen në përdorim të përkohshëm të pasurisë, pronë private, për interes publik”, me propozimin e ministrit të Energjisë dhe Industrisë, Këshilli i Ministrave

Në vendimin nr.301, datë 8.4.2015, të Këshillit të Ministrave, bëhen këto ndryshime:

1. Në pikën 3, sipërfaqja “3 795 (tre mijë e shtatëqind e nëntëdhjetë e pesë) m²” ndryshon dhe bëhet “4 147.8 (katër mijë e njëqind e dyzet e shtatë pikë tetë) m²”.

2. Në pikat 3 dhe 4, vlera “10 095 475 (dhjetë milionë e nëntëdhjetë e pesë mijë e katërqind e shtatëdhjetë e pesë) lekë” ndryshon dhe bëhe “14 037 979 (katërmbëdhjetë milionë e tridhjetë e shtatë mijë e nëntëqind e shtatëdhjetë e nëntë) lekë”.

3. Tabela e miratuar e që i bashkëlidhej vendimit në fuqi zëvendësohet me tabelën që i bashkëlidhet këtij vendimi.

Ky vendim hyn në fuqi menjëherë dhe botohet në “Fletoren zyrtare”.

Në mbështetje të nenit 100 të Kushtetutës dhe të neneve 5, pika 1, 20 e 21, të ligjit nr.8561, datë 22.12.1999, “Për shpronësimet dhe marrjen në përdorim të përkohshëm të pasurisë, pronë private, për interes publik”, me propozimin e ministrit të Energjisë dhe Industrisë, Këshilli i Ministrave

Në vendimin nr.173, datë 25.2.2015, të Këshillit të Ministrave, bëhen këto ndryshime:

1. Tabela, që i bashkëlidhej vendimit, zëvendësohet me tabelën që i bashkëlidhet këtij vendimi.

2. Në pikën 3, sipërfaqja “1 969.17 (një mijë e nëntëqind e gjashtëdhjetë e nëntë pikë shtatëmbëdhjetë) m²” ndryshon dhe zëvendësohet me “2 329.92 (dy mijë e treqind e njëzet e nëntë pikë nëntëdhjetë e dy) m²”.

3. Në pikat 3 dhe 4, vlera “276 006.24 (dyqind e shtatëdhjetë e gjashtë mijë e gjashtë pikë njëzet e katër) lekësh” ndryshon dhe zëvendësohet me “4 417 304.94 (katër milionë e katërqind e shtatëmbëdhjetë mijë e treqind e katër pikë nëntëdhjetë e katër) lekësh”.

Ky vendim hyn në fuqi menjëherë dhe botohet në “Fletoren zyrtare”.

Në mbështetje të nenit 100 të Kushtetutës, të pikës 2, të nenit 18, të  ligjit nr.7961, datë 12.7.1995, “Kodi i Punës i Republikës së Shqipërisë”, të ndryshuar, të nenit 11, të ligjit nr.10171, datë 22.10.2009, “Për profesionet e rregulluara në Republikën e Shqipërisë”, të ndryshuar, të nenit 57, të ligjit nr.69/2012, “Për sistemin arsimor parauniversitar në Republikën e Shqipërisë”, të ndryshuar, të ligjit nr.9936, datë 26.6.2008, “Për menaxhimin e sistemit buxhetor në Republikën e Shqipërisë”, të ndryshuar, si dhe të  ligjit nr.147/2015, “Për buxhetin e vitit 2016”, me propozimin e ministrit të Arsimit dhe Sportit, Këshilli i Ministrave

1. Numri i praktikantëve për kryerjen e praktikës profesionale, me kontratë të përkohshme, për sistemin arsimor parauniversitar, për periudhën 1 janar-15 qershor 2015 dhe periudhën 15 shtator-31 dhjetor 2016 është 1 500 (një mijë e pesëqind) praktikantë.

2. Numri i praktikantëve për kryerjen e praktikës profesionale, me kontratë të përkohshme, sipas njësive arsimore vendore dhe afati kohor i kontraktimit të praktikantëve është sipas tabelës nr.1, që i bashkëlidhet këtij vendimi dhe është pjesë përbërëse e tij.

3. Praktikantët gjatë periudhës së kryerjes së praktikës profesionale përfitojnë çdo muaj nga punëdhënësi (njësitë arsimore vendore) pagesën e përllogaritur mbi bazën e pagës minimale mujore prej 22 000 ( njëzet e dy mijë) lekësh, miratuar me vendimin nr.77, datë 28.1.2015 të Këshillit të Ministrave, “Për kontributet e detyrueshme dhe përfitimet nga sistemi i sigurimeve shoqërore dhe sigurimi i kujdesit shëndetësor”, të ndryshuar, për sigurimet shoqërore në masën 24.5% të pagës bruto dhe për sigurimin e kujdesit shëndetësor në masën 3.4% të pagës bruto.

4. Efektet financiare për pagesën e sigurimeve shoqërore e shëndetësore për vitin 2016, të përllogaritura në emër të punëdhënësit e të punëmarrësit, në shumën 82 863 000 (tetëdhjetë e dy milionë e tetëqind e gjashtëdhjetë e tre mijë) lekë, që rrjedhin nga zbatimi i këtij vendimi, të mbulohen nga fondet e miratuara në buxhetin e vitit 2016, për Ministrinë e Arsimit dhe Sportit.

5. Ngarkohen Ministria e Arsimit dhe Sportit dhe Ministria e Financave për zbatimin e këtij vendimi.

Ky vendim hyn në fuqi pas botimit në “Fletoren zyrtare” dhe i shtrin efektet financiare nga data 1 janar 2016.

Në mbështetje të nenit 100 të Kushtetutës, të neneve 5 e 44, të ligjit nr.9936, datë 26.6.2008, “Për menaxhimin e sistemit buxhetor në Republikën e Shqipërisë”, të ndryshuar, dhe të nenit 15, të ligjit nr.147/2015, “Për buxhetin e vitit 2016”, me propozimin e ministrit të Bujqësisë, Zhvillimit Rural dhe Administrimit të Ujërave dhe të ministrit të Shtetit për Çështjet Vendore, Këshilli i Ministrave

1. Në buxhetin e bashkive, të miratuar për vitin 2016, të shtohet fondi prej 111 000 000 (njëqind e njëmbëdhjetë milionë) lekësh, sipas tabelës 1 bashkëlidhur këtij vendimi. Ky fond i shtohet transfertës specifike sipas bashkive, të miratuar për vitin 2016, për funksionin e ujitjes e të kullimit.

2. Ky fond të përdoret për pastrimin me ekskavatorë të kanaleve ujitëse dhe kulluese, të transferuar në pronësi të bashkive.

3. Fondi i përcaktuar në pikën 1, të këtij vendimi, të përballohet nga fondi rezervë i buxhetit të shtetit për vitin 2016.

4. Ngarkohen ministri i Bujqësisë, Zhvillimit Rural dhe Administrimit të Ujërave, ministri i Shtetit për Çështjet Vendore, ministri i Financave dhe bashkitë për zbatimin e këtij vendimi.

     Ky vendim hyn në fuqi menjëherë dhe botohet në “Fletoren zyrtare”.

Në mbështetje të nenit 100 të Kushtetutës, të pikave 7 e 8, të pjesës së parë e të dytë të shtojcës 1, të marrëveshjes me qeverinë e vendit pritës, ndërmjet Republikës së Shqipërisë, duke vepruar nëpërmjet Këshillit të Ministrave, dhe Trans Adriatic Pipeline AG, lidhur me projektin e Gazsjellësit Trans Adriatik (Projekti TAP), ratifikuar me ligjin nr.116/2013, “Për ratifikimin e marrëveshjes me qeverinë e vendit pritës, ndërmjet Republikës së Shqipërisë, duke vepruar nëpërmjet Këshillit të Ministrave, dhe Trans Adriatic Pipeline AG, lidhur me projektin e Gazsjellësit Trans Adriatik (projekti TAP), si dhe të marrëveshjes, ndërmjet Republikës së Shqipërisë, përfaqësuar nga Këshilli i Ministrave, dhe Trans Adriatic Pipeline AG, në lidhje me projektin e Gazsjellësit Trans Adriatik (projekti TAP)”, dhe të neneve 5, pika 1, 20 e 21, të ligjit nr.8561, datë 22.12.1999, “Për shpronësimet dhe marrjen në përdorim të përkohshëm të pasurisë, pronë private, për interes publik”, me propozimin e ministrit të Energjisë dhe Industrisë, Këshilli i Ministrave

1. Shpronësimin, për interes publik, të pronarëve të pasurive të paluajtshme, pronë private, dhe marrjen në përdorim të përkohshëm të pasurive që preken nga sheshet e depozitimit/magazinimit të tubave dhe kampeve të punëtorëve, stacionet e kompresorëve dhe valvulat e bllokimit (pjesë e projektit TAP), sipas listave nr.1 dhe nr.2, bashkëlidhur këtij vendimi.

2. Shpronësimi të bëhet në favor të shtetit, përfaqësuar nga Ministria e Energjisë dhe Industrisë.

3. Pronarët e pasurive të paluajtshme, pronë private, që shpronësohen, dhe ata, të cilëve pronat u merren në përdorim të përkohshëm, të kompensohen në vlerë të plotë, për sipërfaqet 149 693.69 (njëqind e dyzet e nëntë mijë e gjashtëqind e nëntëdhjetë e tre pikë gjashtëdhjetë e nëntë)m2, e cila merret në përdorim të përkohshëm, dhe 140 476.88 (njëqind e dyzet mijë e katërqind e shtatëdhjetë e gjashtë pikë tetëdhjetë e tetë) m2, e cila shpronësohet, me shumën 130 640 628.37 (njëqind e tridhjetë milionë e gjashtëqind e dyzet mijë e gjashtëqind e njëzet e tetë pikë tridhjetë e shtatë) lekë, sipas të dhënave të përcaktuara në listat nr.1 dhe nr.2, bashkëlidhur këtij vendimi.

4. Vlera totale, prej 130 640 628.37 (njëqind e tridhjetë milionë e gjashtëqind e dyzet mijë e gjashtëqind e njëzet e tetë pikë tridhjetë e shtatë) lekësh, dhe vlera e shpenzimeve procedurale të përballohen nga shoqëria TAP AG, si subjekti kërkues i këtij shpronësimi.

5. Për likuidimin, për efekt shpronësimi dhe të marrjes në përdorim të përkohshëm të pasurive, të përcaktuara në listat nr.1 dhe nr.2, të procedohet, si më poshtë vijon:

a) Për të gjitha pasuritë, për të cilat është bërë shënimi “Konfirmuar nga ZVRPP”, pronarët përkatës të likuidohen, për efekt shpronësimi dhe të  marrjes në përdorim të përkohshëm, pas dorëzimit të dokumentacionit të plotë të pronësisë, që do të lëshohet nga Zyra Vendore e Regjistrimit të Pasurive të Paluajtshme, pranë TAP AG;

b) Për të gjitha pasuritë, për të cilat është bërë shënimi “ZVRPP konfirmon se nuk është lëshuar certifikata e pronësisë”, pronarët përkatës të likuidohen, për efekt shpronësimi dhe të marrjes në përdorim të përkohshëm, pas lëshimit të dokumentacionit të plotë të pronësisë nga Zyra Vendore e Regjistrimit të Pasurive të Paluajtshme;

c) Për të gjitha pasuritë, për të cilat është bërë shënimi “ZVRPP konfirmon se pasuria figuron e inskriptuar dhe me masë sekuestro nga përmbarimi”, pronarët përkatës të likuidohen, për efekt shpronësimi dhe të marrjes në përdorim të përkohshëm, pas heqjes së masës së sekuestros, e konfirmuar nga Zyra Vendore e Regjistrimit të Pasurive të Paluajtshme, si dhe lëshimit të dokumentacionit të plotë të pronësisë.

6. Çdo pronar, për t’u likuiduar për efekt shpronësimi dhe të marrjes në përdorim të përkohshëm të pasurive, të dorëzojë pranë shoqërisë TAP AG dokumentacionin e plotë të pronësisë, vërtetimin bankar, lidhur me numrin e llogarisë dhe IBAN-in, si dhe kopjen e kartës së identitetit, të shoqëruar me një kërkesë.

7. Çdo përdorues të likuidohet, për efekt shpronësimi dhe të marrjes në përdorim të përkohshëm të pasurive, në bazë të kopjes së dokumentit të identifikimit, vërtetimit bankar, lidhur me numrin e llogarisë dhe IBAN-in, si dhe të certifikatës familjare, që dorëzon pranë shoqërisë TAP AG.

8. TAP AG, dega Shqipëri, të kryejë likuidimet, për efekt shpronësimi dhe të  marrjes në përdorim të përkohshëm të pasurive, në bazë të pikave 5, 6 dhe 7, të këtij vendimi.

9. Me hyrjen në fuqi të këtij vendimi, Zyra Qendrore  e  Regjistrimit  të  Pasurive të Paluajtshme dhe zyrat vendore të regjistrimit të pasurive të paluajtshme  Korçë, Devoll, Skrapar, Berat dhe Fier, të pezullojnë të gjitha transaksionet për pasuritë, sipas listave bashkëlidhur, deri në momentin që do të realizohet kalimi i pronësisë, për pasuritë e shpronësuara, dhe regjistrimi i marrjes në përdorim të përkohshëm, në favor të shtetit.

10. Me hyrjen në fuqi të këtij vendimi, Zyra Qendrore e Regjistrimit të Pasurive të Paluajtshme dhe zyrat vendore të regjistrimit të pasurive të paluajtshme Korçë, Devoll, Skrapar, Berat dhe Fier, të fillojnë procedurat për hedhjen e gjurmës mbi hartat kadastrale, sipas planimetrisë së projektit, që do t’u vihet në dispozicion nga shoqëria TAP AG.

11. Ngarkohet Ministria e Energjisë dhe Industrisë, shoqëria TAP AG, Zyra Qendrore e Regjistrimit të Pasurive të Paluajtshme dhe zyrat vendore të regjistrimit të pasurive të paluajtshme Korçë, Devoll, Skrapar, Berat dhe Fier për zbatimin e këtij vendimi.

  Ky vendim hyn në fuqi menjëherë dhe botohet në “Fletoren zyrtare”.

Në mbështetje të nenit 100 të Kushtetutës dhe të neneve 4 e 46, të ligjit nr.9482, datë 16.2.2006, “Për legalizimin, urbanizimin dhe integrimin e ndërtimeve pa leje”, të ndryshuar, me propozimin e ministrit të Zhvillimit Urban, Këshilli i Ministrave

Në vendimin nr.289, datë 17.5.2006, të Këshillit të Ministrave, të ndryshuar, bëhen këto ndryshime dhe shtesa:

1. Pika 2 ndryshohet, si më poshtë vijon:

“2. ALUIZNI ka Drejtorinë e Përgjithshme në Tiranë dhe drejtori varësie në çdo qendër qarku. Përjashtimisht, në qarqet Durrës, Fier dhe Vlorë, ALUIZNI ka përkatësisht dy drejtori, si dhe në Tiranë shtatë drejtori varësie.”.

2. Pas pikës 4 shtohet pika 4/1, me këtë përmbajtje:

“4/1. Në përputhje me organikën dhe strukturën e miratuar sipas pikës 4 të këtij vendimi, drejtori i Përgjithshëm i ALUIZNI-t përcakton kompetencat territoriale dhe/ose lëndore të drejtorive të qarqeve Durrës, Vlorë, Fier dhe Tiranë.”.

3. Kudo në vendim emërtimi “Ministria e Zhvillimit Urban dhe Turizmit” zëvendësohet me “Ministria e Zhvillimit Urban”.

Ky vendim hyn në fuqi menjëherë dhe botohet në “Fletoren zyrtare”.

Në mbështetje të nenit 100 të Kushtetutës dhe të neneve 21 e 26, të ligjit nr.114/2015, “Për auditimin e brendshëm në sektorin publik”, me propozimin e ministrit të Financave, Këshilli i Ministrave

Për përcaktimin e mënyrës së organizimit, funksionimit, përbërjes së komisionit të kualifikimit të audituesve të brendshëm në sektorin publik dhe të tarifave të trajnimit.

1. Komisioni i kualifikimit të audituesve të brendshëm është përgjegjës për mbikëqyrjen e procesit të certifikimit dhe trajnimit të vijueshëm profesional të audituesve të brendshëm në sektorin publik në varësi të ministrit të Financave.

2. Komisioni i kualifikimit të audituesve të brendshëm përbëhet nga 5 anëtarë, të cilët emërohen nga ministri i Financave për një periudhë 2-vjeçare, me të drejtë rizgjedhjeje.

3. Komisioni i kualifikimit të audituesve të brendshëm përbëhet nga anëtarë  të cilët kanë njohuri për auditimin e brendshëm, përkatësisht:

a) Një anëtar nga fusha e auditimit të brendshëm në sektorin publik;

b) Një anëtar nga fusha e legjislacionit në sektorin publik;

c) Një anëtar nga trupa e personelit akademik në institucionet e arsimit të lartë;

ç) Një anëtar nga fusha e menaxhimit financiar dhe kontrollit në sektorin publik;

d) Një anëtar nga struktura përgjegjëse për harmonizimin e auditimit të brendshëm.

4. Anëtarët e komisionit të kualifikimit të audituesve të brendshëm duhet të përmbushin këto kritere:

a) Të kenë shtetësi shqiptare;

b) Të kenë integritet moral dhe profesional;

c) Të mos jenë dënuar penalisht me vendim të formës së prerë;

ç) Të kenë përvojë pune mbi 5 vjet në profesion;

d) Të kenë diplomë “Master i Shkencave” ose “Master i Arteve”;

dh) Përfaqësuesit e fushës së auditimit të jenë certifikuar si “Auditues i brendshëm në sektorin publik”.

5. Komisioni i kualifikimit të audituesve të brendshëm do të ketë përgjegjësitë në lidhje me kualifikimin e audituesve të brendshëm në sektorin publik, sipas parashikimeve në “Rregulloren për procedurat e certifikimit të audituesve të brendshëm në sektorin publik” dhe në “Rregulloren për trajnimin e vijueshëm profesional të audituesve të brendshëm në sektorin publik”.

1. Anëtarët e komisionit të kualifikimit të audituesve të brendshëm, në mbledhjen e tyre të parë, zgjedhin kryetarin.

2. Komisioni i kualifikimit të audituesve të brendshëm zgjedh, ndërmjet anëtarëve të tij, zëvendëskryetarin, i cili, kur kryetari mungon ose është në pamundësi për të ushtruar funksionet, ushtron kompetencat e këtij të fundit.

3. Kur kryetari dhe zëvendëskryetari mungojnë apo janë në pamundësi për të ushtruar funksionet e tyre, mbledhja drejtohet nga anëtari më i vjetër në moshë.

4. Mbledhja e komisionit të kualifikimit të audituesve të brendshëm thirret nga kryetari, jo më vonë se pesë ditë para datës së mbledhjes, duke u njoftuar anëtarëve rendin e ditës, të shoqëruar me materialet përkatëse.

5. Në raste të veçanta, komisioni i kualifikimit të audituesve të brendshëm mund të mblidhet me kërkesë të:

a) ministrit të Financave;

b) strukturës përgjegjëse për harmonizimin e auditimit të brendshëm;

c) të paktën, tre anëtarëve të komisionit, brenda 5 ditëve kalendarike nga data e marrjes së kërkesës.

6. Komisioni i kualifikimit të audituesve të brendshëm e zhvillon veprimtarinë sipas një kalendari të miratuar në mbledhjen e parë të tij.

7. Sekretari i komisionit të kualifikimit të audituesve të brendshëm caktohet nga drejtori i Përgjithshëm i strukturës përgjegjëse për harmonizimin e auditimit të brendshëm dhe përzgjidhet ndër punonjësit e kësaj strukture.

8. Mbledhja e komisionit të kualifikimit të audituesve të brendshëm është e vlefshme kur janë të pranishëm më shumë se gjysma e anëtarëve me të drejtë vote.

9. Kryetari dhe çdo anëtar i komisionit të kualifikimit të audituesve të brendshëm kanë të drejtën e një vote. Kryetari voton i fundit. Vendimet merren me shumicën e votave të anëtarëve që marrin pjesë në mbledhje dhe kanë të drejtë vote. Votimi është i hapur, me përjashtim të votimit për kryetarin, dhe, në asnjë rast, nuk lejohet abstenimi, ndërsa vota kundër argumentohet.

10. Ministri i Financave liron nga detyra anëtarët e komisionit të kualifikimit të audituesve të brendshëm nëse mungojnë pa shkaqe të arsyeshme në pesë mbledhje, gjatë një periudhe 1-vjeçare.

11. Përfundimet e çdo mbledhjeje pasqyrohen në një memorandum, i cili i bëhet i ditur ministrit të Financave dhe, së bashku me procesverbalin e mbledhjes, depozitohen në protokollin e Ministrisë së Financave.

12. Periudha e zhvillimit të mbledhjeve përcaktohet sipas programeve të miratuara për proceset e certifikimit dhe trajnimit të vijueshëm profesional të audituesve të brendshëm në sektorin publik.

13. Kryetari dhe anëtarët e komisionit të kualifikimit të audituesve të brendshëm shpërblehen në përputhje me aktet ligjore në fuqi, por jo më shumë se për 12 mbledhje në vit.

14. Komisioni i kualifikimit të audituesve të brendshëm ka këto përgjegjësi:

a) Mbikëqyr ecurinë e procesit të certifikimit të audituesve të brendshëm në sektorin publik;

b) Mbikëqyr ecurinë e trajnimit të vijueshëm profesional të audituesve të brendshëm në sektorin publik.

c) Realizon të gjitha detyrat dhe merr vendime për procesin e certifikimit të audituesve të brendshëm në sektorin publik, në përputhje me “Rregulloren për procedurat e certifikimit të audituesve të brendshëm në sektorin publik”, të  miratuar nga ministri i Financave;

ç) Realizon të gjitha detyrat dhe merr vendime për procesin e trajnimit të vijueshëm profesional të audituesve të brendshëm në sektorin publik, në përputhje me “Rregulloren për trajnimin e vijueshëm profesional të audituesve të brendshëm në sektorin publik”, të miratuar nga ministri i Financave.

1. Komisioni i kualifikimit të audituesve të brendshëm, në përputhje me procedurën e përcaktuar në rregulloret e parashikuara në shkronjat “c” dhe “ç”, të pikës 14, të kreut II, të këtij vendimi, merr vendime për përzgjedhjen e trajnerëve dhe mbikëqyrësve që do të angazhohen në procesin e certifikimit dhe të trajnimit të vijueshëm profesional.

2. Pas përzgjedhjes së trajnerëve dhe mbikëqyrësve, nëpunësi i parë autorizues lidh me trajnerët dhe mbikëqyrësit një apo disa nga tipet e kontratave të përgatitura nga struktura përgjegjëse për harmonizimin e auditimit të brendshëm, të përcaktuara si më poshtë:

a) Kontratë si trajner dhe korrigjues provimesh ose/ dhe riprovimesh në procesin e certifikimit të auditueve të brendshëm në sektorin publik;

b) Kontratë si trajner në trajnimin e vijueshëm profesional të audituesve të brendshëm në sektorin publik;

c) Kontratë për hartimin e kurrikulave dhe materialeve të trajnimit për procesin e certifikimit ose/dhe trajnimin e vijueshëm profesional të audituesve të brendshëm;

ç) Kontratë për mbikëqyrësit e sallave të trajnimit.

3. Për efekt të pagesës, trajnerët me të cilët lidhet kontrata, sipas pikës 2, të kreut III, të këtij vendimi, ndahen në dy kategori:

a) Trajnerë të kategorisë së parë, trajnerë që kanë një diplomë “Master i Shkencave” ose “Master i arteve” apo të barazvlefshme me to, sipas legjislacionit të arsimit të lartë, dhe 6 – 10 vite përvojë pune në fushën përkatëse, si dhe trajnerë që kanë një diplomë post-master apo të barazvlefshme me të, sipas legjislacionit të arsimit të lartë, dhe, minimalisht, 3 vite përvojë pune në fushën përkatëse;

b) Trajnerë të kategorisë së dytë, trajnerë që kanë një diplomë “Master i Shkencave” ose “Master i arteve” apo të barazvlefshme me to, sipas legjislacionit të arsimit të lartë, dhe mbi 10 vite përvojë pune në fushën përkatëse, ose trajnerë që kanë një gradë apo titull shkencor dhe, minimalisht, 7 vite përvojë pune në fushën përkatëse.

4. Masa e pagesës për trajnerët përcaktohet në kontratë dhe llogaritet në varësi të kategorisë së trajnerit e të orëve të trajnimit, përkatësisht:

a) për kontratat e parashikuara në shkronjat “a” dhe “b”, të pikës 2, të kreut III, të këtij vendimi, masa e pagesës për çdo orë trajnimi 60-minutëshe të jetë sipas lidhjes 1, që i bashkëngjitet këtij vendimi dhe është pjesë përbërëse e tij;

b) për kontratat e parashikuara në shkronjën “c”, të pikës 2, të kreut III, të këtij vendimi, masa e pagesës për hartimin e kurrikulave apo të materialeve të trajnimit, të nevojshme për zhvillimin e 6 orëve 60-minutëshe të jetë 12 000 (dymbëdhjetë mijë) lekë;

c) për rastet e hartimit të kurrikulave apo materialeve të trajnimit për më pak se 6 orë trajnimi 60-minutëshe, pagesa të llogaritet në përpjestim me orët e trajnimit;

ç) në rastet e rishikimit të kurrikulave, pagesa të jetë deri në 50 për qind të pagesës së përcaktuar sipas shkronjës “b”, të kësaj pike.

5. Masa e pagesës për trajnerët e procesit të certifikimit që korrigjojnë provimet ose/dhe riprovimet përcaktohet në kontratë dhe llogaritet në varësi të numrit të fletoreve të korrigjuara, përkatësisht, 200 lekë për çdo fletore të korrigjuar.

6. Mbikëqyrësit e sallave të trajnimit duhet të jenë pjesë e administratës publike, me përjashtim të punonjësve të njësive të auditimit të brendshëm, të cilët zgjidhen nga nëpunësi i parë autorizues në Ministrinë e Financave.

7. Masa e pagesës për mbikëqyrësit e sallave të trajnimit përcaktohet në kontratë, përkatësisht në masën 3 000 lekë për çdo mbikëqyrje provimi ose/dhe riprovimi.

1. Tarifat për procesin e certifikimit si “Auditues i brendshëm në sektorin publik” janë:

a) për regjistrimin dhe pjesëmarrjen në procesin e certifikimit,  40 000 lekë;

b) për pjesëmarrjen në çdo riprovim, 5 000 lekë.

2. Tarifat për trajnimin e vijueshëm profesional janë:

a) për pjesëmarrjen në trajnimin e vijueshëm profesional të audituesit të brendshëm të certifikuar, që ushtron detyrën si auditues i brendshëm, ky shërbim është pa pagesë;

b) për pjesëmarrjen në trajnimin e vijueshëm profesional të audituesit të brendshëm të certifikuar, por që nuk ushtron detyrën si auditues i brendshëm, 10 000 lekë.

3. Të ardhurat që realizohen nga procesi i certifikimit dhe i trajnimit të vijueshëm profesional të audituesve të brendshëm në sektorin publik derdhen në buxhetin e shtetit.

4. Shpenzimet që do të kryhen për organizimin dhe zhvillimin e këtyre proceseve përballohen nga buxheti vjetor, i miratuar për Ministrinë e Financave.

5. Anëtarët e komisionit të kualifikimit të audituesve të brendshëm emërohen brenda 30 ditëve nga hyrja në fuqi e këtij vendimi.

6. Vendimi nr.886, datë 19.12.2007, i Këshillit të Ministrave, “Për krijimin, funksionimin dhe shpërblimin e anëtarëve të komisionit të kualifikimit për certifikimin e audituesve të brendshëm në sektorin publik’’, shfuqizohet.

7. Ngarkohet Ministria e Financave për zbatimin e këtij vendimi.

Ky vendim hyn në fuqi pas botimit në “Fletoren zyrtare”.