Në mbështetje të neneve 81, pika 1, dhe 100, të Kushtetutës, me propozimin e ministrit të Drejtësisë, Këshilli i Ministrave

 

 

Propozimin e projektligjit “Për disa ndryshime në ligjin nr.10031, datë 11.12.2008, “Për shërbimin përmbarimor gjyqësor privat”, të ndryshuar”, për shqyrtim e miratim në Kuvendin e Republikës së Shqipërisë, sipas tekstit dhe relacionit që i bashkëlidhen këtij vendimi.

 

Ky vendim hyn në fuqi menjëherë.

 

 

 

 

 

 

 

 

 

 

Në mbështetje të neneve 78 dhe 83, pika 1, të Kushtetutës, me propozimin e Këshillit të Ministrave, Kuvendi i Republikës së Shqipërisë

 

 

Në ligjin nr.10031, datë 11.12.2008, “Për shërbimin përmbarimor gjyqësor privat”, të ndryshuar, bëhen ndryshimet, si më poshtë vijon:

 

 

Paragrafi i parë, i nenit 47, ndryshohet, me këtë përmbajtje: 

 

“Masat e tarifave, sipas nenit 48, të ligjit, llojet e shërbimeve përmbarimore të tarifuara dhe rastet e përjashtimit nga parapagimi i tarifës, për kategori të caktuara, përcaktohen me udhëzim të përbashkët të ministrit të Drejtësisë dhe ministrit të Financave, pasi merret dhe mendimi i Dhomës Kombëtare të Përmbaruesve Gjyqësorë Privatë.”. 

 

 

Neni 48 ndryshohet, si më poshtë vijon:

 

“Neni 48

Tarifa bazë dhe tarifa e suksesit

 

Pagesa e shërbimit ndaj subjektit përmbarimor përbëhet nga:

 

a) një tarifë bazë, që përfshin kostot dhe shpenzimet për:

i. fillimin e procedurave të ekzekutimit;  

ii. kryerjen e veprimeve të mëtejshme procedurale, deri në ekzekutimin përfundimtar.

 

b) një tarifë suksesi, e përcaktuar si e tillë në kontratën përkatëse, që mund të jetë në formën e një shume të caktuar, një përqindjeje të caktuar mbi vlerën e padisë ose një kombinimi të të dyjave dhe që paguhet pas përfundimit me sukses, nga ana e përmbarimit, të të gjitha veprimeve ligjore, të përcaktuara në Kodin e Procedurës Civile për ekzekutimin e urdhrit të ekzekutimit, apo edhe çdo procedure tjetër ligjore të suksesshme. 

 

Vlera e tarifës së suksesit caktohet me udhëzim të përbashkët të ministrit të Financave dhe ministrit të Drejtësisë, në përputhje me nenin 10, të këtij ligji.”.

 

 

Ky ligj hyn në fuqi 15 ditë pas botimit në “Fletoren zyrtare”.

 

 

 

 

Në mbështetje të neneve 81, pika 1, dhe 100, të Kushtetutës, me propozimin e ministrit të Drejtësisë, Këshilli i Ministrave

 

 

Propozimin e projektligjit “Për një shtesë në ligjin nr.8730, datë 18.1.2001, “Për organizimin dhe funksionimin e Shërbimit të Përmbarimit Gjyqësor””, për shqyrtim dhe miratim në Kuvendin e Republikës së Shqipërisë, sipas tekstit dhe relacionit që i bashkëlidhen këtij vendimi.

 

Ky vendim hyn në fuqi menjëherë.

 

 

 

 

 

 

 

 

Në mbështetje të neneve 78 dhe 83, pika 1, të Kushtetutës, me propozimin e Këshillit të Ministrave, Kuvendi i Republikës së Shqipërisë

 

 

Në ligjin nr.8730, datë 18.1.2001, “Për organizimin dhe funksionimin e Shërbimit të Përmbarimit Gjyqësor”, bëhet kjo shtesë:

 

 

Pas nenit 12 shtohet neni 12/a, me këtë përmbajtje:

 

“Neni  12/a

Tarifa bazë dhe tarifa e suksesit

 

1. Pagesa e shërbimit ndaj subjektit përmbarimor përbëhet nga:

 

c) një tarifë bazë, ku përfshihen:

 

iii. kostot dhe shpenzimet e nevojshme për fillimin e procedurave të ekzekutimit;

iv. kostot dhe shpenzimet për kryerjen e veprimeve të mëtejshme procedurale deri në ekzekutim përfundimtar.

 

d) një tarifë suksesi, e përcaktuar si e tillë në kontratën përkatëse, e cila mund të jetë në formën e një shume të caktuar, një përqindjeje të caktuar mbi vlerën e padisë ose nëpërmjet kombinimit të të dyjave dhe që paguhet pas përfundimit me sukses nga ana e përmbarimit të të gjitha veprimeve ligjore të përcaktuara në Kodin e Procedurës Civile për ekzekutimin e urdhrit të ekzekutimit apo edhe çdo procedure tjetër ligjore të suksesshme. 

 

2. Vlera e tarifës së suksesit caktohet me udhëzim të përbashkët të ministrit të Financave dhe ministrit të Drejtësisë, në përputhje me nenin 12, të këtij ligji.

 

3. Të ardhurat e mbledhura nga pagesa e tarifës së suksesit derdhen në buxhetin e shtetit.”.

 

 

Ky ligj hyn në fuqi 15 ditë pas botimit në “Fletoren zyrtare”.

 

 

 

 

Në mbështetje të neneve 81, pika 1, dhe nenit 100, të Kushtetutës, me propozimin e ministrit të Drejtësisë, Këshilli i Ministrave

 

 

Propozimin e projektligjit “Për disa ndryshime dhe shtesa në ligjin nr.8116, datë 29.3.1996, “Kodi i Procedurës Civile i Republikës së Shqipërisë”, të ndryshuar”, për shqyrtim e miratim në Kuvendin e Republikës së Shqipërisë, sipas tekstit dhe relacionit që i bashkëlidhen këtij vendimi.

 

Ky vendim hyn në fuqi menjëherë.

 

 

 

 

 

 

 

 

 

Në mbështetje të neneve 81, pika 2, shkronja “d”, dhe 83, pika 1, të Kushtetutës, me propozimin e Këshillit të Ministrave, Kuvendi i Republikës së Shqipërisë

 

 

Në ligjin nr.8116, datë 29.3.1996, “Kodi i Procedurës Civile i Republikës së Shqipërisë”, të ndryshuar, bëhen ndryshimet dhe shtesat, si më poshtë vijon:

 

 

Shkronja “b”, në nenin 320, ndryshohet, me këtë përmbajtje: 

 

“b) mosmarrëveshjeve tregtare dhe të procedurave të falimentimit;”.

 

 

Neni 323 ndryshohet, me këtë përmbajtje:

 

“Neni 323

 

Dispozitat e këtij kodi janë të zbatueshme për të gjitha gjykimet e posaçme, përveç sa parashikohet ndryshe në këtë titull dhe në ligje të tjera të posaçme.”.

 

 

Në fund të nenit 511 shtohen paragrafët, me këtë përmbajtje: 

 

“Gjykata lëshon urdhrin e ekzekutimit, bazuar mbi dokumentet e depozituara nga kërkuesi dhe pasi merr në shqyrtim pretendimet me shkrim të palës tjetër. Nëse debitori nuk gjendet, urdhri i ekzekutimit lëshohet sipas dokumentacionit të depozituar nga kërkuesi. Gjykata lëshon urdhrin e ekzekutimit në seancë gjyqësore, në prani të palëve. Mosprania e palëve në seancë nuk përbën shkak për shtyrjen e saj.

 

Urdhri i ekzekutimit përmban:

a) gjeneralitetet e debitorit dhe kreditorit;

b) origjinën e detyrimit;

c) detyrimin konkret që buron nga titulli ekzekutiv;

ç) llogaritjen e kamatëvonesave të mundshme;

d) kufizime të tjera, që Gjykata i çmon të nevojshme, sipas natyrës së çështjes.

 

Kur titulli ekzekutiv, për të cilin lëshohet urdhri i ekzekutimit, është akt për dhënien e kredive bankare, Gjykata, në vendim, duhet të parashikojë se nga data e lëshimit të urdhrit të ekzekutimit deri në përmbushjen e plotë të detyrimit llogaritet kamata ligjore, në përputhje me dispozitat e Kodit Civil, si dhe kushtet penale, të rëna dakord mes palëve në momentin e nënshkrimit të titullit ekzekutiv për të cilin lëshohet urdhri i ekzekutimit.

 

Në përllogaritjen e detyrimit dhe të kamatave gjykata mund të thërrasë ekspertë të licencuar. Eksperti nuk duhet të ketë pasur lidhje të mëparshme me asnjë nga palët.”.

 

 

Në shkronjën “c”, të paragrafit të parë të nenit 515, fjalët “… së vënies në ekzekutim;”, zëvendësohen me “… sipas nenit 525, të këtij kodi;”. 

 

 

Pas paragrafit të fundit, të nenit 517, shtohet paragrafi me përmbajtje, si më poshtë vijon:

 

“Përmbaruesi gjyqësor kryen lajmërimet dhe njoftimet, duke zbatuar parashikimet e kreut IV, “Njoftimet”, të këtij kodi.”.

 

 

Neni 525 ndryshohet, si më poshtë vijon:

 

 

Tarifat e përcaktuara për ekzekutimin e urdhrit ekzekutiv mund të paguhen, fillimisht, nga kreditori dhe, pas përfundimit të procedurës së ekzekutimit, i ngarkohen debitorit. Shpenzimet e tjera, gjatë procedurës së ekzekutimit, paguhen nga pala që i ka shkaktuar ato.

 

Tarifat bazë dhe tarifat e suksesit, si dhe rradha e pagesës së tyre përcaktohen me udhëzim të përbashkët të ministrit të Drejtësisë dhe ministrit të Financave.”.

 

 

Neni 564 ndryshohet, si më poshtë vijon:

 

“Neni 564

Vlerësimi i sendit të sekuestruar

 

Nëse kreditori dhe debitori, brenda një jave, nuk arrijnë një marrëveshje për vlerën e sendit, mbi të cilin është vendosur sekuestroja, përmbaruesi gjyqësor, me asistencën teknike të një eksperti të licencuar të fushës, brenda 15 ditëve përcakton, me vendim, vlerën e sendit, sipas metodologjisë dhe procedurës së përcaktuar me udhëzim të Këshillit të Ministrave.

 

Përmbaruesi gjyqësor, brenda 10 ditëve nga data e caktimit të vlerës, njofton kreditorin dhe debitorin për çmimin e caktuar.”.

 

 

Paragrafi i dytë, në nenin 577, ndryshohet, si më poshtë vijon:

 

“Në rast se në ankandin e dytë nuk është paraqitur asnjë ofertues, atëherë, brenda 10 ditëve nga përfundimi i tij, përmbaruesi gjyqësor cakton çmimin e ri të sendit, në masën 30% të çmimit të përcaktuar nga përmbaruesi, sipas nenit 564, të këtij kodi. Ankandi i tretë për shitjen e sendit bëhet sipas rregullave të përcaktuara në nenin 568, të këtij kodi, dhe zhvillohet jo më vonë se 30 ditë nga e nesërmja e datës së caktimit të çmimit të ri. Në rast se në ankandin e tretë nuk është paraqitur asnjë ofertues, përmbaruesi gjyqësor i propozon, në fillim kreditorit, që, kundrejt kredisë, të marrë sendin me çmimin e ankandit të tretë. Në rast se kreditori nuk pranon ta marrë sendin, përmbaruesi gjyqësor heq sekuestron mbi sendin e sekuestruar dhe vijon procedurat përmbarimore mbi pasuri të tjera të debitorit.”. 

 

 

Në nenin 609 bëhen ndryshimi dhe shtesa, si më poshtë vijon:

 

a) Paragrafi i parë i nenit ndryshohet, me këtë përmbajtje: 

 

“Debitori mund të kërkojë në gjykatën kompetente të vendit të ekzekutimit që të deklarohet se titulli ekzekutiv është i pavlefshëm ose se detyrimi nuk ekziston apo është shuar më pas. Afati për të paraqitur këtë kërkesë është 30 ditë nga marrja dijeni për fillimin e ekzekutimit të detyrueshëm.”.

 

b) Në fund të paragrafit të tretë shtohet fjalia me këtë përmbajtje:  

 

“Pezullimi i vendimit nuk vendoset nga gjykata kur debitori pretendon se detyrimi i caktuar në titullin ekzekutiv, i cili është një akt për dhënien e kredive bankare ose akt për dhënien e kredive nga institucionet financiare jobankare, ekziston në një masë më të vogël.”.

 

 

Paragrafi i parë, i nenit 610,  ndryshohet, si më poshtë vijon:

 

“Kundër veprimeve të përmbaruesit gjyqësor në kundërshtim me procedurat e parashikuara nga ky kod dhe kundër refuzimit të përmbaruesit gjyqësor për të kryer një veprim që ia ngarkon ligji, palët mund të bëjnë ankim në gjykatën që ekzekuton vendimin brenda 5 ditëve, nga dita e kryerjes së veprimit apo refuzimit, kur palët kanë qenë të pranishme në kryerjen e veprimit ose kanë qenë thirrur, dhe, në raste të tjera, nga dita që u është njoftuar ose kanë marrë dijeni për veprimin ose refuzimin.”.

 

 

Ky ligj hyn në fuqi 15 ditë pas botimit në “Fletoren zyrtare”.

 

 

 

Në mbështetje të neneve 81, pika 1, dhe 100, të Kushtetutës, me propozimin e ministrit të Drejtësisë, Këshilli i Ministrave

 

 

Propozimin e projektligjit “Për disa shtesa në ligjin nr.7850, datë 29.7.1994, “Kodi Civil i Republikës së Shqipërisë”, të ndryshuar”, për shqyrtim dhe miratim në Kuvendin e Republikës së Shqipërisë, sipas tekstit dhe relacionit që i bashkëlidhen këtij vendimi.

 

Ky vendim hyn në fuqi menjëherë.

 

 

 

Në mbështetje të neneve 81, pika 2, shkronja “d”, dhe 83, pika 1, të Kushtetutës, me propozimin e Këshillit të Ministrave, Kuvendi i Republikës së Shqipërisë

 

 

Në ligjin nr.7850, datë 29.7.1994, “Kodi Civil i Republikës së Shqipërisë”, të ndryshuar, bëhen këto shtesa:

 

 

Në fund të nenit 605 shtohet paragrafi, me këtë përmbajtje:

 

“Radha e preferimit, e parashikuar në këtë nen, nuk zbatohet në procedurën e falimentimit, parashikuar me ligj të veçantë.”.

 

 

Në fund të nenit 607 shtohet paragrafi, me këtë përmbajtje:

 

“Ky nen nuk zbatohet në procedurën e falimentimit, parashikuar me ligj të veçantë.”.

 

 

Ky ligj hyn në fuqi 15 ditë pas botimit në “Fletoren zyrtare”.

 

 

 

Në mbështetje të nenit 100 të Kushtetutës, të pikës 3, të nenit 37, të ligjit nr.105/2014, “Për barnat dhe shërbimin farmaceutik”, të ndryshuar, dhe të pikave 2, shkronja “b”, e 6, të nenit 10, të ligjit nr.10383, datë 24.2.2011, “Për sigurimin e detyrueshëm të kujdesit shëndetësor në Republikën e Shqipërisë”, të ndryshuar, me propozimin e ministrit të Shëndetësisë, Këshilli i Ministrave

 

 

Listat I e II dhe pasqyrat 1 e 2, bashkëlidhur vendimit nr.380, datë 25.5.2016, të Këshillit të Ministrave, zëvendësohen me listat I e II dhe pasqyrat 1 e 2 që i bashkëlidhen këtij vendimi.

 

Ky vendim hyn në fuqi pas botimit në “Fletoren zyrtare”. 

 

 

 

 

Në mbështetje të nenit 100 të Kushtetutës dhe të nenit 74, të ligjit nr.80/2015, “Për arsimin e lartë dhe kërkimin shkencor në institucionet e arsimit të lartë në Republikën e Shqipërisë”, me propozimin e ministrit të Arsimit dhe Sportit, Këshilli i Ministrave

 

 

1. Kanë të drejtën të aplikojnë për t’u pranuar në programet e studimeve të ciklit të parë dhe programet e integruara të studimeve të ciklit të dytë në institucionet e arsimit të lartë kandidatët që kanë përfunduar me sukses nivelin e arsimit të mesëm të lartë dhe që plotësojnë kriterin e notës mesatare të përcaktuar në këtë vendim.  

 

2. Për të gjithë kandidatët, të cilët kanë përfunduar nivelin e arsimit të mesëm të lartë, nota mesatare për pranim në programet e studimeve të ciklit të parë dhe programet e integruara të studimeve të ciklit të dytë, në institucionet e arsimit të lartë, për vitin akademik 2016-2017, të jetë 6 (gjashtë). Nota mesatare për pranim në institucionet e arsimit të lartë, përllogaritet si mesatare aritmetike e thjeshtë e treguesve të mëposhtëm:

 

a) Mesatarja aritmetike e thjeshtë e notave përfundimtare vjetore të lëndëve për të gjitha vitet e shkollimit  në  arsimin e  mesëm të lartë;

b) Mesatarja aritmetike e thjeshtë e notave të provimeve të maturës/Maturës Shtetërore.

3. Kandidatët që aplikojnë për t’u pranuar në programet e studimeve dy vjeçare me karakter profesional nuk kanë detyrimin të plotësojnë kriterin e notës mesatare të parashikuar në këtë vendim. 

 

4. Institucionet arsimore të arsimit të mesëm të lartë dhe njësitë arsimore vendore janë përgjegjëse për përllogaritjen e notës mesatare dhe përcjelljen e të dhënave pranë Agjencisë Kombëtare të Provimeve.

 

5. Procedurat për njëvlershmërinë e dokumenteve të paraqitura nga shtetasit shqiptarë dhe të huaj, të cilët kanë përfunduar nivelin e arsimit të mesëm të lartë jashtë vendit dhe përllogaritja e notës mesatare për këta kandidatë të kryhen nga Ministria e Arsimit dhe Sportit bazuar në përcaktimet e pikës 2, të këtij vendimi, me përjashtim të rasteve kur nuk aplikohen provime mature, maturë shtetërore apo provime lirimi. Në këto raste me vendim të komisionit përkatës përcaktohet mënyra e përllogaritjes së notës mesatare. Komisioni përkatës përcjell të dhënat tek njësitë arsimore vendore dhe tek Agjencia Kombëtare e Provimeve.

 

6. Ngarkohen Ministria e Arsimit dhe Sportit, Agjencia Kombëtare e Provimeve, institucionet arsimore të arsimit të mesëm të lartë, njësitë arsimore vendore, dhe institucionet e arsimit të lartë, për zbatimin e këtij vendimi.

     

Ky vendim hyn në fuqi pas botimit në “Fletoren zyrtare”.